Erresistentzia kutxa

Muñoz erresistentzia kutxei buruz: “ELAk 38 urte daramatza ogasunen irizpideak errespetatzen”

Bizkaiko Foru Aldundiak sindikatuaren erresistentzia kutxatik dirua jaso duten grebalarien izenak eskatu dizkio sindikatuari, baina dokumentu hori oraindik ez da iritsi ELAren egoitzara.

Aritz Loiola / Argazki Press

Lander Muñagorri Garmendia -

2018ko otsailak 5

El Diario Norte hedabide digitalak eman zuen albistea, atzo: 2014 eta 2017 bitartean ELAren erresistentzia kutxatik dirua jaso duten grebalarien izenak eskatu dizkio Bizkaiko Foru Aldundiak, baita diru kopuru zehatzak ere. Sindikatuak agerraldia egin du gaur goizean, eta Adolfo Muñoz idazkari nagusiak azaldu du oraindik ez dutela jaso dokumentu hori. “Are gehiago: hilabete bada aldundiak badaukala albiste horren arabera eskatzen digun informazio guztia”. Azken 38 urteetan, erresistentzia kutxarekin betetzen ditu sindikatuak greba egiten ari diren langileen beharrak, eta Muñozek argitu nahi izan du ogasunen irizpideak errespetatzen dituztela. “Gaur arte, kutxatik jasotako dirua ez da sekula laneko errenta moduan onartua izan”, eta horregatik ogasunen irizpideak bere egin dituztela azaldu du. Bizkaiko erresidentzien grebak 370 egun iraun zuen, eta erresistentzia kutxa ezinbesteko tresna bat izan zen mobilizazio horri eutsi ahal izateko. Bizkaiko Foru Aldundiari zuzenean eragin zion gatazka hark.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna