Albistea entzun

Lan gatazka

UGT eta CCOO prest daude KSSko kaleratzeak negoziatzeko, industria plan baten truke

101 langile kaleratzeko erregulazioa aurkeztu du Kayaba taldeak, eta asteon kontsulta epeko batzarra izan da aldeen artean. UGTk, CCOOk eta CCPk "industria plan serio bat" eskatu diote enpresari kaleratzeak adosteko.

Langileen protesta bat Orkoiengo Kayaban.
Langileen protesta bat Orkoiengo Kayaban. BERRIA Tamaina handiagoan ikusi

Xabier Martin -

2018ko otsailak 7 13:57

"Bere garaian hartu zuen konpromisoari jarraiki", industria plan serio bat eskatu diote Kayaba taldeko zuzendaritzari UGT, CCOO eta CCP sindikatuek, berme nahikoarekin lantegiak geroa izan dezan". Horren truke Orkoiengo KSS enpresan kaleratu nahi dituen 101 beharginen patuaz negoziatzeko prest daude enpresan gehiengoa ordezkatzen duten hiru sindikatuak.

"Zalantza ugari daude enpresak argudiatutako arrazoien inguruan", esan dute sindikatuen iturriek. Uste dute 101eko kopuru hori "puztuta" egon daitekeela, "bada ezpada". Enpresak aurreikusi duen ekoizpen helburuak beteko ez balira, "gehiegizko" kaleratze horiek baliatu nahiko lituzke egoera txukuntzeko.

UGTk eta CCOOk nahi dutena da zuzendaritzak aurretiazko erretiroak eskaintzea, "kaleratze traumatikoak ekiditeko, eta plantaren geroa bermatzeko lantalde gazte baten bidez. Dagoeneko 70 langilek utzi dute enpresa borondatez (53 enplegu zuzen eta zeharkako beste 17), pizgarriei lotutako baldintzetan.

LAB sindikatuak ez ditu kaleratzeak onartzen. Orain aste batzuk eskatu zuen Orkoiengo KSS eta Ororbiako Kybseren plantak fusionatzea, elkarrengandik sei kilometrora daudelako, eta biak direlako Japoniako Kayaba taldearenak. Antza, Kybsek eskulana behar duo produkzio igoera handiagatik —autoentzako motelgailuak ekoizten ditu—. Multinazionalak, gaur-gaurkoz, 101 behargin kaleratzeko erregulazioa besterik ez du jarri mahai gainean..

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Ignacio Sanchez Galan Iberdrolako burua Unai Rementeria Bizkaiko diputatu nagusiarekin, aurreko eguneko ekitaldi batean. ©LUIS TEJIDO / EFE

LABek salatu du EAJk «lotsagabeki defendatzen dituela» enpresa elektrikoak

Xabier Martin

Iberdrolaren «xantaia» agerikoa dela uste du sindikatu abertzaleak, «eta baita euskal patronalaren lankidetza ere» estrategia horren alde

EHNEko, harategietako eta Jaurlaritzako ordezkariak, gaur, proiektuaren aurkezpenean. ©EHNE

Ekoizle txikien produktuen banaketa errazteko proiektu pilotu bat hasi dute

Julene Frantzesena - Urola Kostako Hitza

Gipuzkoako EHNEk, Ederto harakinen taldeak eta Gipuzkoako hainbat ekoizlek eta harakinek Azpeitian aurkeztu dute egitasmoa gaur, ostirala. Gaurtik aurrera, Gipuzkoako hamabost saltokitan 11 ekoizleren askotariko produktuak eskuratu ahal izango dira.

Zerbitzuen sektorean hasi da gehien okupazioa. ©Gorka Rubio / Foku

Araba, Bizkai eta Gipuzkoako langabezia tasa %8,9ra jaitsi da

Irune Lasa

2010. urtera egin behar da atzera horren tasa txikia ikusteko. Hirugarren hiruhilekoan15.900 langabe gutxiago daude bigarrenean baino. Okupatuen kopurua handitu egin da, 9.300 pertsonatan.

Jokin Perona eta Jabier LarraƱaga, 2019an, Ticket Bai sistema aurkeztu zutenean. ©Gorka Estrada / Efe

Gipuzkoak beste sei hilabetez atzeratu du Ticket Bai sistema

Iker Aranburu

Derrigorrezkotasuna 2022ko uztailaren 1ean hasiko da, eta ez urtarrilean.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.