Albistea entzun

Baionako bestak

Baionako bestetan sartzea pagarazteko asmoa berretsi du Jean Rene Etxegaraik

Segurtasun gastuak berdindu nahi ditu sarrera ordainarazita, hainbat eragileren iritziaren kontra. Baionarrek ez lukete ordainduko.

Baiona festetako irudia. /
Baiona festetako irudia. /

Iparraldeko Hitza -

2018ko martxoak 20

Baionako Herriko Etxeak aitzina darama Jean Rene Etxegaraik iazko besten ondotik aipatu ideia: sartzea pagaraztea. Joan den astetik, bestekin lotura duten eragileak (komertzioak, ostatuak, elkarteak…) kontsultatzen ari dira, eta elkarteen ordezkariak ideiaren kontra agertu dira. Atzo, Baionako bestekin lotura duten elkarteak kontsultatu zituzten, eta bilduak ziren 45 ordezkarietatik gehienak ordiainaraztearen aurka agertu dira. Goiz honetan, aldiz, Etxegaraik ideia defendatzen segitu du France Bleu irratian egin dioten elkarrizketan: Nizako atentatuaren ondotik “segurtasuna bermatzeko gastuak 400.000 euroz emendatu ziren”, eta sarreraren prezioarekin gastuak berdintzea litzateke haren ideia.

Etxegaraik iazko bestetan egin zenbaketaren datuak aipatu ditu, 850.000 eta milioi bat bestazale artean kontatu zirelako eta “justizia bat ezarri” nahi duela ziurtatuz: baionarrek 2.400.000 euro ordaintzen dituzte “tokiko zergen bitartez”, eta gehitu du baionarrak “50.000 baizik ez" direla; alegia, kanpotik etorri bestazaleek ere ordaintzea normala iduri zaiola. Deliberorik ez da hartua oraingoz, baina auzapezak ziurtatu du prezioa ez litzatekeela 8 edo 10 euro baino handiagoa. Gehitu du ere logistika aldetik posible dela Baionako hiria zerratzea ordainlekuak plantan ezartzeko.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©GORKA RUBIO / FOKU

«Bortxaketa salatzeko erabili dut musika»

Ane Insausti Barandiaran

'Medusa' izeneko EPa sortu du AyVeek, jasan zuen bortxaketa eta ondoren bizi izandakoak kontatzeko. Haren hitza zalantzan jarri zutela salatu du, eta ingurukoen babesari esker egin duela aurrera.
ETB1eko <em>Go!azen</em> telesaileko aktore gazteak. ©ETB

Hiru haurretik batek ikusi du aurten 'Go!azen' ostiraletan ETBn

Urtzi Urkizu

ETB1eko telesailaren denboraldia gaur amaituko da. Kontzertuek maiatzera arte jarraituko dute

 ©AITOR KARASATORRE / FOKU

«'Bollera' izaera bat da, bizitzeko modu bat»

Iker Tubia

Haur literaturaren alde egin du Jakak, adin horretan «dena jaten» dutelako «gose handiz». Letretan dagoen sexu disidentziaz mintzatu da, eta euskarak LGTBI mugimenduan behar duen presentziaz.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.