Albistea entzun

aisialdia

Pasaiako Itsas Festibalak ehun ontzi tradizional bilduko ditu

 

Edu Lartzanguren -

2018ko martxoak 21 13:13

"Ehun ontzirekin, gelditu egin behar izan genuen izena emateko prozesua, jaialdia eskuetatik ez joateko", esan du Xabier Agote Albaolako presidente eta Pasaia Itsas Festibaleko zuzendariak. Gaur goizean aurkeztu dute jaialdia, Pasai Donibanen (Gipuzkoa). Maiatzaren 17aren eta 21aren artean, ehun ontzi tradizional bilduko dira badian, Pasaiaren "itsas kultura eta historia" zabaltzeko, Agotek azaldu duenez. Lehen aldiz egingo dute jaialdia Pasaiako badian, eta bi urtetik behin egingo da.

Ehun ontzi horietako herenak Frantziatik eta Bretainiatik helduko dira. Frantziako Hermione ontzi historikoaren erreplika izango da izarra. Lafayette markesa 1780an Ameriketara, hango independentzia gerran laguntzera, eraman zuen Hermione belaontziak. Danimarkako Kaskelot ontziak ere hartuko du protagonismoa, eta Atlantikoko azken atunontzi beladunak.

Bresten (Bretainia) egiten den itsas jaialdia eredu gisa hartu dute antzolatzaileek. Baina hura baino txikiagoa izango da —milaka ontzi elkartzen dira Bretainian—, eta, hangoa ez bezala, "publikoa eta doakoa" izango da Pasaiakoa, Izaskun Gomez alkateak adierazi duenez.

"Galizia izango da herrialde gonbidatua", adierazi du Denis Itxaso Gipuzkoako Foru Aldundiko Kultura, Turismo, Gazteria eta Kiroletako diputatuak.

Aurtengoa izango da lehena, baina, gero, bi urtetik behin egin asmo dute jaialdia. Hurrengoan, 2020an, Agoteren Albaola elkartea eraikitzen ari den San Joan baleontzia badiako uretan egongo dela agindu dute.

Herritarrek ontziak bisitatu ahalko dituzte (ordainduta), eta, badia osoan, bitartean, musika eta gastronomia ekitaldiak eta erakusketak egingo dituzte. "Ontzi ederren bilkura izango da", adierazi du Alfredo Retortillo Eusko Jaurlaritzako Turismo, Merkataritza eta Kontsumo sailburuak. Jaialdiak "kontzentratu gabeko eta sasoiz kanpoko turismoa" bultzatzeko balioko duela gaineratu du.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Migel Joakin Eleizegiren hezurren arrastoak itzultzeko ekitaldia, atzo. ©

Berriz ere Altzoazpiko hilerrian dira Altzoko Handiaren hezurren arrastoak

Nagore Arin

Bi urtez Aranzadiko instalazioetan egon ondoren, berriz ere Altzoazpiko hilerrira itzuli dituzte Migel Joakin Eleizegi Arteagaren hezurren arrastoak.

Itziar Ituño aktoreak Malen Zubiri politikariarena egiten du <em>Intimidad</em> telesailean. ©DAVID HERRANZ / NETFLIX

'Intimidad', Netflixen gehien ikusi den telesaila, ingelesez bestekoetan

Urtzi Urkizu

Txintxua Filmsen fikzioa 58 herrialdetan sartu da Top10ean. IMDB-ko lehen 50etan kokatu da

Eneko Orozek 'Zer ikusi euskaraz' egitasmoa jarri du martxan
Edorta Agirre. / ©Gorka Rubio, Foku

«Janari pista galduz gero, nahi duena salduko digu sistemak»

Miren Garate, Gipuzkoako Hitza

Janaren inguruan «gero eta desinteres handiagoa» ikusten du Edorta Agirrek, Amantala ta mantela liburuaren egileak. Dioenez, «zelofanez ontziratutako produktuek» hartu dute lehengaien tokia. «Horiek zer duten? Sinetsi egin behar, ez baitugu kriteriorik».

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...