Hitzaren gerrillariaren kronikak

Zekine Türkeri kazetari kurduaren 'Uda batez Kurdistanen' liburua aurkeztu dute, Donostiako Elkar liburudendan. 2014ko udan Irak eta Siriako Kurdistanen bizitakoak biltzen dituen kronika sorta da.

Jon Ander De la Hoz -

2018ko apirilak 10

"Oso kronika bizia eta gogorra da, eta momentuko argazki oso garrantzitsua eskaintzen du". Hala definitu du Urtzi Urrutikoetxea kazetariak Uda batez Kurdistanen liburua. 2014ko udan Turkiako Kurdistanen jaiotako Zekine Türkeri kazetariak Irak eta Siriako Kurdistanen jasotako bizipenekin osatutako kronika bilduma da.

Gaur goizean aurkeztu dute liburua Donostiako Elkar liburudendan. Aurkezpenean parte hartu dute Urrutikoetxeak, Xabier Mendiguren editoreak, Kristina Berasain BERRIAko kazetari eta idazlearen lagunak eta Eneko Gartzia liburuaren itzultzaileetako batek.

Saddam Hussein kanporatu ostean, Irakeko Kurdistanek eskuratutako autonomia zabalaren nondik norakoak jakiteko asmoarekin hasi zuen bidaia Türkerik. Estatu Islamikoaren ofentsibaren ondotik, baina, hasierako asmoak aldatu eta gerra erreportajeak idazteari ekin zion, frontetik hurbil baina borrokaren nondik norakoak ikusi gabe. Hala, kurduen bizipenetan oinarritu du bere lana.

Hitzaren gerrillari gisa definitu du Berasainek. Hala, azaldu du Türkerik iaz utzi ziola kazetari lanak egiteari –Egunkaria eta BERRIAko kolaboratzaile izana da urte luzez–, Turkiako Gobernuak hark lan egiten zuen katea itxi ostean. Hala, haren hitzak bildu ditu Berasainek: "Kazetari kurduek beti aurkitu izan dute zirrikituren bat lanean jarraitzeko, baina iragan astean ere egunkari bat itxi zuten, bertako 27 kazetari atxilotu, eta inprenta itxi". Martxoan 41 kazetari atxilotu ditu Recep Tayyip Erdoganen gobernuak.

 

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna