Noiz sortua: 2018-05-08 12:45:11

Bukaera sortzen

Aro berri gerra zahar

Jule Goikoetxea (Donostia, 1981). Filosofian doktorea da, eta Zientzia Politikoetako irakaslea EHUn. Tractatus (Susa, 2014) poesia liburua eta Demokraziaren pribatizazioa (Elkar, 2017) saiakera ditu argitaratuak.

Aro berri gerra zahar
Aro berri gerra zahar

Jule Goikoetxea -

2018ko maiatzak 8

ETAren amaiera abiapuntu gisa hartuta, hainbat kulturgileri obra bat sortzeko eskatu die BERRIAk. Jule Goikoetxearen poema da hau:

Big-banga, Homo Sapiensa, Homero,
       [esklabotza, Gentileschi, inkisizioa, iraultza
     [frantsesa eta sobietarra, deserria, bi mundu
                 [gerrak, kartzela, Franko, Burgoseko
                 [prozesua, tortura, Ducadosaren kea
egunen zahartze klandestinoa
erritmo armatua

horiek nire aurrekariak

iragan heze eta ilunetik zetorren etorkizuna,
          [Urederraren jarioa, nafartarren begirada
                        [odolustua, lur errearen garrasia
halakoa da euriz, burdinaz eta zomorroz
                 [egindako industrializazio berantiarra
iraultza ailegatu bitartean, emantzipazioa
           [azkenekoz agurtu genueneko erresakak
                                       [eman zigun identitatea
baina zer litzateke gure bizitza pertsonala,
       [miliekin eta polimiliekin hezi izan ez bagina
amarra politikorik gabeko lurralde batean
                                                   [jaio izan bagina

galdera deserosoak exiliatzen direnean,
               [ergeltasuna konstitutibo bilaka daiteke
eta paradigma zaharren izerdia malko

aro berri gerra zahar

tautologia baita esatea garaileek idazten
     [dutela historia, historia garaileen ideologia
    [da, horregatik doaz zintzoak paradisura eta
                                                [gaiztoak edonora,
edo Espainiara, airerik gabeko zulo
          [beltzetara, menderakuntzaren hesteetara

jada ez gara hain gazteak, zioen birramonak,
bost milurteko ditugu, ezin dugu ezer
                                                               [baztertu
armak ezkutatu
ez urtu

herri egoskor honetan hazitako gorputz orok,
guda hotz betierekoan sortuagatik, sorginen
                                                  [jakituria du odol
nahiz eta jakin badakigun ez dela berdina
                                                                 [jakitea
eta ezagutzea

ezagutuz aldatzea baldin bada gure patua,
                      [utopien konfrontazioa da zergatia

haien sustraiak gure diskurtsoan lotuz,
                     [nahiaren gudaz errealitatea sortuz

konponezina den gerraren fase gorena bilaka
                                          [ez dadin euskalduna
gatazkaren ardatz berriak asmatzea izan
                                         [behar da gure premia

hiztegi berririk gabeko utopiekin amaitzen da
                                                                   [gerra
baina gerrarik eza ez da bakea

gure herri kultura babarrunek, trikitixak,
                                         [metalurgiak, wasapak
eta erresistentziak osatzen dute

kabroiez inguratuta bada ere, duintasunez
                  [bizirauteko artea baita erresistentzia

politikotasuna haragitua dugu baina neke
      [historikoa pasio kolektibo bihurtu beharko
                                                                    [dugu

herri bilakatu zen
izarren hautsa egun batean
atzerriko orbita militarren pean
eta horrela borrokatzen gara, atsedenik hartu
                          [gabe baina poteak ahaztu gabe
nahiz eta jakintza unibertsala bezain
                    [deserosoa den mozkor borrokatzea
jakin badakigu bizia bizitzen jokatu behar
                                                                      [dela

saia gaitezen, gauden tokitik, enpatia
                   [humanoa eta mesfidantza historikoa
                                                              [uztartzen
saia gaitezen sinpatia politikoa malgutasunez
                                                           [egituratzen
eragindako eta pairatutako mina era
                                             [anitzetan sendatzen
beldur existentziala argudio moralekin ez
                                                          [disimulatzen

iragana orainalditik egin beharko dugu
memoria politikoak arogintza berri bat
                                                           [eskatzen du

ezin dugu purutasuna erroekin nahastu
pragmatismoa sinplifikazio ideologikoarekin
gure gorputz kolektiboa txikitatik zizelkatzen
                                            [duten kolpe berberek
ahalbidetzen dute gerora gure askatasun
                                                                 [politikoa

herri honen utopiek iragana dute iturri
etorkizuna abiaburu
oraina helburu

ez kezkatu beraz, jakin badakigu
bizikidetza ez dela maitasuna
maitasunak herri hau merezi duela
herri honek xede zaharrak desio berriekin
                                                    [argitu ditzakeela

gure esku dago
begirada galdua estrategia bilakatzea
burujabetza fraktala mamitzen hastea

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

 ©Berria

Koronabirusaren azken datuak

Berria

Euskal Herrian 12.066 gaixok eman dute positibo koronabirusaren proba eginda. 737 hil dira. COVID-19 gaitza izandako 3.948 pertsonari eman diete alta. Grafikoak, albiste barruan.

Pertsona bat zebrabidea gurutzatzen, Iruñean. ©Iñigo Uriz / Foku

Alokairu turistikoak, debekatuta Lapurdiko kostaldean

Berria

Munduan 70.000 lagun inguru hil dira COVID-19 eritasunaren eraginez, eta atzemandako kasuak ia 1,3 milioi dira; joan den ostegunean, milioi bat ziren. AEBak eta, bereziki, New York dira pandemiaren epizentro berria. AEBetan, 337.000 positibo baino gehiago baieztatu dira, eta 9.600 lagun hil.. 

Irrintzi konpartsako erraldoiak, Boiseko Basque Blocken, 2015eko Jaialdian ©Urtzi Urrutikoetxea

Diasporako euskal jairik handiena bertan behera utzi dute

Edu Lartzanguren

Boiseko Jaialdi festibala bost urtetik behin egiten dute, eta aurtengo uztailerako zegoen programatuta. Azkenean, 2021eko uztailaren 27tik abuztuaren 1era egitea erabaki dute, "ardurak eraginda".

EGA Euskararen Gaitasun Agiria lortzeko probak. ©Andoni Canellada / Foku

Jaurlaritzak udazkenera arte atzeratuko ditu hizkuntza maila egiaztatzeko probak

Jon O. Urain

Indarrik gabe utzi du maiatzaren 9rako aurreikusitako proba idatzia, eta urrian egingo du. Onartutako eskabideak kontuan hartuko dira bigarren deialdi horretarako.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna