Bukaera sortzen

Desira

Mari Luz Esteban (Pedrosa de Valdeporres, Espainia, 1959). Medikuntzan lizentziaduna da, eta Gizarte Antropologian doktorea. Ikasketa Feministak eta Generoa masterreko koordinatzailea da EHUn. Aditua da antropologia feministan, eta medikuntzako antropologian. Amaren heriotzak libreago egin ninduen (Pamiela, 2013) poesia bilduma eta Feminismoa eta politikaren eraldaketak (Lisipe-Susa, 2017) saiakera argitaratu ditu.

Mari Luz Esteban -

2018ko maiatzak 8

ETAren amaiera abiapuntu gisa hartuta, hainbat kulturgileri obra bat sortzeko eskatu die BERRIAk. Mari Luz Estebanen poema da hau:

Esango dut
euskaldun medeatu
zaharberritu
erreformatu bat
irudikatzea
komeni zaigula

gorputza mailaturik du
begiak gorriturik
aldartea nekaturik
gogoa nahasturik
grinak lo
ebakiak zabalik

baina abesti bat
hasi da kantatzen
ahapetik
dutxatu berri
jaietako arropa jantzirik
iraganari so
etorkizun egarriz
desira noiz bizkortu zain

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna