Albistea entzun

Olatz Arrietak jaso du Kazetaritzako X. Eurobasque saria

 

Urtzi Urkizu -

2018ko maiatzak 9 15:27

Europaren Eguna da gaur, eta Eusko Legebiltzarrean Eurobasque saria eman diote Olatz Arrieta ETBko kazetariari. 'Trump, amesgaizto amerikarra' liburuan idatzitako artikulu bategatik eman diote saria. Europa, lehen egunen ezinegona artikuluan iaz kontatu zuen Europak nola bizi zuen Donald Trump AEBetako Gobernura iritsi izana. "Mila esker BERRIAri liburuan parte hartzeko aukera emateagatik", esan du ETBko Bruselako berriemaileak. Liburua BERRIAko dendan salgai dago.

Hala esan du Arrietak, saria jaso berritan: "Trump presidente aukeratzean, Europan zer gertatu zen azaltzeko eskatu zidaten. Astindu bat izan zen Europarentzat. Noizean behin turbulentziak zeuden transatlatikoaren harremanetan, baina pilotu automatikoan ondo zihoan. Automatikoa kendu behar izan dute, eta mandoak hartu". Oroitarazi du Trump izan dela Europako Batasunaren proiektua zalantzan jarri duen AEBetako lehen presidentea. "Brexit-aren alde egin zuen, gainera". Europaren erantzunaz, berriz, hala esan du Bruselan lanean ari den berriemaileak: "Europako Batasunean erantzuna ez da berdina izan herrialde guztietan. Hungariak ontzat jo du, adibidez, Trump. EB saiatu da erantzun bateratu bat ematen, berean jarraituko duela adieraziz. Txina izango du orain lagun klima aldaketaren gaian". NATOren inguruan ere mintzatu da Arrieta: "NATOk zalantza asko sortu zituen. Trumpek esan zuen NATO erabat zaharkitua zegoela. Gero, hori lasaitu zen. AEBetako Gobernuko beste ordezkari batzuek iritsi ziren Bruselara, lasaitasun mezuarekin, NATOn ez zela aldaketarik izango esateko".

Trumpen jokatzeko moduen adibideren bat eman du Arrietak: "Trumpek faktura bat jarri zion Merkeli mahai gainean, II. Mundu Gerraz geroztik segurtasunagatik Alemaniak dirua zor ziola adieraziz. Errusiaren gaian, barne faktoreengatik, Trump ez dela Putinen laguna adierazi behar izan dute, eta etsaitzat azaldu dira". Edonola ere, ETBko kazetariak esan du artikuluan ageri diren lehen ehun egunak denbora gutxi zirela ondorio argigarriak emateko: "Ehun egun horiek goizegi zen esateko zer gertatuko den. Aldaketa bat egon da. Praktikan gauza gutxi egin dituzte AEBek, baina jarrera aldatu egin da. EBk erabaki du ez duela itxarongo, Trumpek zer egingo, eta erabaki autonomoagoak hartuko ditu; bere bidea egin beharko du, azken finean".

BERRIAk Arrietari egindako elkarrizketa argitaratu du gaur.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Artemis I misioko 'Orion' ontzia. ©@NASA_Johnson

Artemis I misioa espero baino «harago» doa

Julen Otaegi Leonet

Misioaren «erdian» da 'Orion' ontzia, eta aurreikusi baino emaitza hobeak lortu ditu NASAk. Errekorra ere hautsi dute: bidaiariak eraman ditzaketen ontzien artean, Lurretik urrutien egon dena da.

 ©Gorka Rubio / FOKU

«Arima pixka bat falta da orain, bai unibertsitatean eta bai hedabideetan»

Unai Zubeldia - Gipuzkoako Hitza

Bokazioz irakaslea dela aitortu du Joxerra Garziak, baina lan asko egindakoa da bai bertsolaritzan eta bai komunikabideetan. Erretiroa hartuta ere, ikastaroak eman eta eman ari da oraindik.

Herritar ugarik produktuz beteriko poltsak utzi dizkiete Elikagai Bankuko boluntarioei. ©JAIZKI FONTANEDA / FOKU

Elkartasunez bete dira orgak

Aitor Biain

Hego Euskal Herriko Elikagai Bankuek bilketa nagusia egin dute, urtero bezala. Ehunka tona elikagai eta oinarrizko produktu bildu dituzte dendetan eta supermerkatuetan.
 ©IÑIGO URIZ / FOKU

«Trantsizioa egitea, nola esan... zoriontasun eztanda bat da»

Iker Tubia

Gorputza estaltzen duten babesetan gordetzen da Gomez izotz hockeyan aritzeko. Ia bizi osoan gorde behar izan du emakume zela, baina orain ez du ezkutatzen. Partida hor dago oraindik.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.