Noiz sortua: 2018-05-21 19:40:17

TXIRRINDULARITZA

Amy Pietersek irabazi du Emakumeen Biran

Boels Doelmans taldeko txirrindulari herbeheretarra izan da azkarrena Aretxabaletan, bederatzi txirrindulariz osatutako ihesaldian. Ane Santesteban (Ale Cipollini) bikain aritu da, eta laugarren izan da. Annemiek van Vleutenek jarraitzen du lider.

Amy Pietersek irabazi du Emakumeen Biran
Amy Pietersek irabazi du Emakumeen Biran

Berria -

2018ko maiatzak 21

Etapa mugitua izan da Emakumeen Birakoa, saio osoan erasoak izan baitira. Azkenean, bederatzi txirrindularik osatu dute eguneko ihesaldia, eta balekoa izan da haien ahalegina, elkarrekin iritsi baitira helmugara. Esprintean, Amy Pieters izan da azkarrena, Emilia Fahlin (Wiggle) eta Clara Koppenburgen aurretik (Cervelo). Bi minutura iritsi da faboritoen tropela. 

Sailkapen nagusian, ez dago aldaketarik lehen postuan, Van Vleutenek jarraitzen baitu lider. Georgia Williams taldekidea du orain atzetik, hiru segundora besterik ez. Hamabira dago, berriz, Anna van der Breggen (Boels). Ezusterik ezean, hiru txirrindulari horien artean egongo da aurtengo Birako irabazlea. 

Gaur jokatuko da azken etapa, Iurreta-Iurreta, 120 kilometrokoa. Etapa gogorra da, txirrindulariek hiru mendate igoko baitituzte: Duña Gane bigarren mailakoa eta Urkiola lehen mailakoa, azken hori bi aldiz. 

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Ekainaren 5ean eguneratua. ©BERRIA

Koronabirusaren azken datuak

Berria

Azkeneko 24 orduetan hiru lagun hil dira COVID-19 gaitzaren eraginez. Hamalau positibo atzeman dituzte PCR probekin, eta ez dute gaixorik ospitaleratu. Euskal Herrian 29.723 gaixok eman dute positibo guztira, koronabirusa atzemateko probaren bat eginda. Horietatik 2.089 hil dira. Grafikoak, albiste barruan.

Ertzaintzaren kontrol bat, Kantabriako (Espainia) mugan. ©Aritz Loiola / Foku

Beste hiru pertsona hil dira COVID-19ak jota

Berria

Hamalau pertsonak eman dute positibo Hego Euskal Herrian PCR proban. Ez dute inor ospitaleratu, eta pertsona bat atera dute zainketa intentsiboen unitatetik.

Herritarrak paseoan, Donostiako Ondarreta hondartzaren ondoan. ©JON URBE / FOKU

Hirugarren fasera igaroko da Hego Euskal Herri guztia

Ainhoa Larretxea Agirre

Hirugarren fasetik aitzinera, autonomia erkidegoetako lehendakariek izango dute erabakiak hartzeko eskumena. Alarma egoera bukatu arte, etenda egongo dira Nafarroaren eta EAEren arteko joan-etorriak. Nafarroan elkarte gastronomikoak irekiko dituzte, baina tabernetako barrek itxita jarraituko dute. Jaurlaritzak bihar emango ditu hirugarren faseari buruzko azalpenak.

Arroabeko haur eskola, artxiboko irudi batean ©urola kostako hitza

Partzuergoko haur eskolak ekainaren 22an irekiko dituztela jakinarazi diete sindikatuei

Irati Urdalleta Lete

LABek plantorako deia egingo du, «prebentzio plan egokia» adostu ezean.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna