Merkataritza

Australiarekin eta Zeelanda Berriarekin merkataritza itunak negoziatuko ditu EBk

Bruselak ez du uste libratuko denik AEBen altzairuaren eta aluminioaren gaineko muga zergez.

Malcolm Turnbull Australiako lehen ministroa eta Jean Claude Juncker Europako Batzordeko presidentea, joan den apirilean egin zuten bilera aurreko agerraldian. /
Malcolm Turnbull Australiako lehen ministroa eta Jean Claude Juncker Europako Batzordeko presidentea, joan den apirilean egin zuten bilera aurreko agerraldian. / Francois Walschaerts/EFE

Iker Aranburu -

2018ko maiatzak 22

Donald Trumpek AEBetatik bultzatu duen merkataritza politika protekzionistari kontrako estrategiarekin erantzuten ari da Europako Batasuna. Merkataritza liberalizatzeko itunak sinatu ditu Kanada, Japonia, Singapur, Vietnam eta Mexikorekin, eta orain Ozeaniara zabaldu nahi du zerrenda. Australiarekin eta Zeelanda Berriarekin negoziazio formalak hastea onartu du gaur. "Akordioak gardentasun osoarekin negoziatuko dira, eta espero dugu estatukideek defendatuko dutela gardentasun maila handi hori", adierazi du Jean Claude Juncker Europako Batzordeko presidenteak.

"Berri ona da […] Dagoeneko gertu gaude baloreetan, eta gure ikuspuntu irekian eta globalean. Elkarrekin, guztiok irabazteko itunak negoziatuko ditugu, geure negozioentzat aukera berriak zabalduko ditugu, aldi berean babestuta garapen jasangarrian ditugun estandar handiak", ziurtatu du Cecilia Malmstrom EBko Merkataritza komisarioak. Ekainean joango da Canberrara (Australia) eta Wellingtonera (Zeelanda Berria), negoziazioak ofizialki hastera.

Komisarioak gogoratu duenez, bi herrialdeak urrun egon arren Kanadarekin eta Mexikorekin halako merkataritza harremana du EBk haiekin. Gainera, Ozeaniako bi herrialde garrantzitsuenen bidez espero du EBk sarbidea izatea TPP Pazifikoko merkataritza itun berritua sinatu duten beste herrialdeetara.

AEBekin, negoziazioak gaizki doaz

Baina EBren arazoa da Pazifikoan irabaz dezakeenak ziur aski ez diola konpentsatuko Atlantikoan gal dezakeena. Izan ere, Malmstromek berak onartu du gauzak ez doazela ongi AEBekin altzairuaren eta aluminioaren gaineko muga zergen harira hasitako negoziazioetan. Maiatzaren hasieran, beste hilabete batez luzatu zuen Trumpek EBren inportazioak arantzelez salbuesteko agindua, baina azken aldia izango zela esan zuen. "Ez dut uste salbuespena luzatuko dutenik", onartu du Merkataritza komisarioak. Hainbat aldiz hitz egin du Wilbur Ross AEBetako Merkataritza idazkariarekin, eta hark uste du EBren negoziaziorako eskaintza ez dela nahikoa.

Horrek eragingo luke EBko enpresek AEBetan saltzen duten altzairuak %25eko muga zerga ordaindu beharko duela, eta %10ekoa, berriz, aluminioak. Europako Batasunak AEBetako hainbat produktu ikonikoren gaineko muga zergekin erantzuteko asmoa du. Besteak beste, Harley Davidson motorren eta bourbon whiskiaren inportazioak zergapetuko ditu Bruselak.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Donostiako Raiundo Berri taberan izan zirenak PCR proba egiteko zain, Okendu kultur etxean gaur goizean. ©Gorka Rubio/FOKU

500 positibotik gora atzeman dituzte Hego Euskal Herrian

Berria

Atzo baino 119 kasu gehiago izan dira. Ospitaleratzeak areagotu egin dira azken orduetan.

Lasarte-Oriako klasururako konbentua itxita, gaur. ©Javier Etxezarreta / EFE

Lasarte-Oriako klausurako komentu bateko moja guztiek positibo eman dute

Berria

Hamar izan dira positiboak guztira. Alkateak adierazi du agerraldia kontrolpean dagoela.

Kutsatze kopuruen azken datuek gora egin dutela ikusita zientzialariak gaineratu du gaitzak “arazo bat” izaten jarraitzen duela. ©Gorka Rubio / FOKU

Bengoak uste du egoera «larria» dela

Aloña Beraza Peña

Ikuskaritza independente bat eskatu dute gertatu dena ikertzeko, egin diren hutsegiteak berriz ere egin ez daitezen, eta aurrera begira ikasteko.

PCR proba egiten gaur, Donostiako Okendo kultur etxean. ©Gorka Rubio/FOKU

Gasteizko Kilimanjaro diskotekan eta Xixilu jatetxean, eta Galdakaoko Muguru tabernan egon zirenei proba egiteko eskatu die Jaurlaritzak

Berria

Gasteizko diskotekan uztailaren 17tik abuztuaren 6ra izan zirenek egin beharko dute testa, eta uztailaren 31tik abuztuaren 4ra jatetxean egondakoek. Galdakaon, tabernan uztailaren 27tik abuztuaren 4ra egon zirenek.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna