Albistea entzun

Zentsura mozioa

Mozioa "Espainia hautsi nahi dutenekin" adostu izana egotzi dio Hernandok Sanchezi

PPko bozeramailearen eta Pedro Sanchezen arteko eztabaida amaitu ostean heldu da Mariano Rajoy parlamentura.

Rafel Hernando, PPren bozemailea Kongresuan. /
Rafel Hernando, PPren bozemailea Kongresuan. / Javier Lizon/EFE

Arantxa Elizegi Egilegor -

2018ko ekainak 1

Goizeko bederatzietan puntuan hasi da gaurkoan zentsura mozioaren eztabaida. Margarita Robles bozeramaile sozialistak hartu du hitza, eta bezperan Pedro Sanchezek esandako bera errepikatu du, eta gogorarazi du, beste behin, Gurtel auzia izan dela Espainiako gobernuburuaren aurkako zentsura mozioa aurkezteko arrazoi nagusia.

Rafael Hernando PPren eledunak erantzun die Roblesen hitzei, eta leporatu dio PSOEri "ETAren lagun zaharrekin" adostu izana mozioa. "Merezi du honek guztiak zure nahi pertsonalak bete ahal izateko. Prest zaude denon artean eraiki dugun Espainiaren proiektu hau suntsitu nahi duten muturrekoekin elkartzeko?". Horretaz gain, jeltzaleei ere mintzatu zaie Hernando, eta haiengan konfidantza izaea "akatsa" izan zela esan du.

Modu "hipokritan" jokatzea ere egotzi dio Hernandok Sanchezi, PPk bultzatutako aurrekontuak kritikatu ostean horiek mantenduko dituela esan duelako hark. "Iruzurra egitera zoazte", esan dio, eta bozekin lortu ez duena mozioaren bidez eskuratu nahi izatea egotzi dio. "Zuk zuzendu nahi duzun Frankenstein gobernua mehatxua da espainiarrentzat".

"Leialtasuna" eskatu dio Sanchezek PPri, eta erantzun dio Hernandori esanez Euskadi eta Kataluniarekiko harremanak garraztearen erantzuleak eurak izan zirela: "Kataluniak Espainian jarraitzea nahi du gobernu honek, eta, horretarako, haiek esan nahi digutena entzuteko prest gaude".

Eztabaida amaituta sartu da Mariano Rajoy aretora, eta minutu erdiko hitzaldia egin du alderdikideei eta bere alde egin dutenei eskerrak emanez. Gobernuburu izatea "ohorea" izan dela esanez bukatu du.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Vladimir Saldo (Kherson), Jevgeni Balitski (Zaporizhia), Vladimir Putin, Denis Puxilin (Donetsk) eta Leonid Pasetxnik (Luhansk), atzo, Kremlinen. ©GRIGORY SISOEV / EFE

Gerran jarraitzeko erabakiak

Igor Susaeta

Errusiak Ukrainan okupatutako lurrak anexionatzeko hitzarmenak sinatu ditu Putinek. Zelenskik iragarri du NATOn sartzeko eskaera egingo dutela, horretarako urgentziazko prozedura erabiliz
Bi manifestari, Espainiako Poliziaren aurrean, Bartzelonan, 2019ko urrian. ©ENRIC FONTCUBERTA / EFE

Berriz ausartu ez daitezen

Gorka Berasategi Otamend

Espainia milaka herritarri jazarri zaie Katalunian 2017ko erreferendumaz geroztik. Omniumen arabera, 4.200dik gora dira. Independentisten helburua da «errepresioa konpromiso bihurtzea».
Pere Aragones, Kataluniako Parlamentuan, lehen aldiz Jordi Puignero presidenteordea aldamenean izan gabe. ©EFE

Koalizio gobernuak jarraitzea «lehentasun bat» da Aragonesentzat

Mikel Elkoroberezibar Beloki

«Egoera konpontzeko garaia da», JxCren arabera. Aragonesek «ahalik eta azkarren» aritzeko eskatu dio JxCri politika orokorreko eztabaidan
 ©BERRIA

«Leku estrategikoa da Kurdistan, eta hori da haien madarikazioa»

Mikel Elkoroberezibar Beloki

Kurdistan «liztor habia berezi eta korapilatsua» da, eta, hango gatazka ulertarazi nahian, liburu bat idatzi du Urtzi Urrutikoetxeak: 'Kurdistan. Argi bat Ekialde Hurbilean'. «Utopia» ezagutzeko bide bat ere bada.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...