Lau ikuskizun erraldoi antolatu ditu Ene Kantak taldeak

Euskal Herriko lau areto handi bete nahi dituzte, eta 30.000 sarera jarriko dituzte salgai.

Ane Eslava -

2018ko ekainak 12

Ene Kantak egitasmoak ikuskizun berezia aurkeztu du: Jai Erraldoia. Aurtengo abenduan eta 2019ko urtarrilean gauzatuko dute ekimena, eta lau hitzordutan banatu dute: abenduaren 27an Donostian, Anoeta Belodromoan; abenduaren 29an Iruñeko Nafarroa Arena pabiloian; urtarrilaren 2an Barakaldoko (Bizkaia) BECen; eta azkenik, urtarrilaren 4ean Gasteizko Buesa Arenan. Jaialdia 17:00tan hasiko da hiri guztietan, eta sarrerak dagoeneko salgai daude Ene Kantak-en webgunean.

Ikuskizunean Nafarroako zazpi konpartsek hartuko dute parte: Txantreakoa, Sanduzelaikoa, Atarrabiakoa, Irurtzungoa, Agoitzekoa, Aurizberrikoa eta Mendillorrikoa. Horiekin batera, 32 erraldoi egongo dira. Proiektuak ez du laguntza publikorik jasoko; Rural Kutxak eta Noticias Taldeak babestuta, eta Berriaren, Euskalerria Irratiaren eta Elkarren laguntzaz antolatuko dute.

Taldeko Urko Oskozek azaldu duenez, ikuskizunaren bitartez teknologia berrien egungo erabilera zalantzan jarri nahi dute. Pertsonaia nagusia Satorjator izango da, eta Eneko eta Nere pertsonaiekin batera bidaia bat egingo du, lurraren erdigunera. Ene Kantak-ek landu ohi dituen gaiak ere jorratuko dituzte: generoa, ingurugiroa...

Taldeak orain arte antolatu dituen jarduera guztietan sarrerak agortu dira, eta jende askok ezin izan ditu ikuskizunak ikusi. Hori dela eta, zerbait handiagoa egitea erabaki zuten, eta Txantreako Konpartsako kideei proposatu zieten Nafarroa Arenan ikuskizun bat antolatzea. Hori aurrera ateratzea adostu zutenean, proiektua “biderkatzea” bururatu zitzaien, lau tokitara eramateko.

Ekintzaren tamainaren jakitun dira antolatzaileak, baina “oso pozik” eta “gogotsu” daudela esan du Oskozek, “halako ekitaldirik ez baita inoiz ikusi”. Bestalde, Iruñeko areto hori zabaldu dutela aprobetxatu nahi izan dute: “Zerbait euskaraz egin nahi dugu han, eta haurrentzat”. Era berean, Nafarroan “oso errotuta” dauden erraldoiak beste hiri batzuetan ezagutarazi nahi dituzte.

 

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Donostiako Ramontxu Berrin izandako 683 laguni egin ziete proba, atzo ©Gorka Rubio / Foku

Hego Euskal Herrian, 492 positibo

Berria

Pertsona bat hil da Nafarroan, uztailaren 15etik lehena. Uztailaren 27tik abuztuaren 3ra Galdakaoko Muguru tabernan izan ziren 420 laguni PCR proba egingo diete, eta Donostian PCR egiten jarraituko dute Ramontxu Berriko bezeroei.

Iñigo Urkullu Eusko Jaurlaritzako lehendakaria, iragan astelehenean, Gasteizen ©Jaizki Fontaneda / Foku

«Erantzukizunerako» deia egin du Iñigo Urkulluk

Joxerra Senar

Sare sozialetan zabaldutako oharrean, Eusko Jaurlaritzako jarduneko lehendakariak ohartarazi du «denen artean ahal den guztia» egin behar dela lehen olatuan bizitako egoera dramatikora ez itzultzekoa.

 ©LUKAS COCH / EFE

COVID-19aren kutsatzeak arakatzeko aplikazioen eraginkortasuna, kolokan

Munia El Marhoum Iruretagoiena

«Normaltasun berrira» heldu bidean, koronabirusaren zabaltzea geldiarazteko tresna gisa aurkeztu dituzte zenbait 'app'. Herrialde askotan ez dira lortu hasiera batean aurreikusitako emaitzak

Osasun langileak, atzo, PCRak egiten, Donostiako Okendo kultur etxean. ©GORKA RUBIO / FOKU

Eragile guztiekin biltzeko eskatu dio oposizioak Eusko Jaurlaritzari

Olatz Esteban Ezkati

538 positibo atzeman dituzte Hego Euskal Herrian, iragan astean halako bi. Ospitaleratzeak ere bikoiztu egin dira egun batean: 103 pertsona daude erietxean.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna