Euskal presoak

Sakabanaketa politikak amaitzeko eskatu du legebiltzarrak

PPk ez beste alderdi guztiek babestu dute EH Bilduren proposamena. EAJk eta PSE-EEk testuari aurkeztutako emendakinak zehazten du beharrezkoa dela "eragindako mina aitortzea", elkarbizitzan aurrera egingo bada.

Bora Semper eta Alfonso Alonso popularrak Legebiltzarrean, artxiboko argazki batean. /
Bora Semper eta Alfonso Alonso popularrak Legebiltzarrean, artxiboko argazki batean. / Jaizi Fontaneda/Foku

Arantxa Elizegi Egilegor -

2018ko ekainak 13

Martxoan, Xabier Rey euskal presoa Cadizko (Espainia) bere ziegan hilik agertu eta gutxira aurkeztu zuen EH Bilduk sakabanaketa politika amaitzeko eskatzen zuen legez besteko proposamena. EAJren, Elkarrekin Podemosen eta PSE-EEren babesarekin onartu dute testua. PPk aurka bozkatu du. Proposamenak zehazten du beharrezkoa dela espetxe politika berri bat, zigorrak etxetik urrun betetzea saihestuko duena, eta, beraz, senideekiko harremanak erraztuko dituena.

EH Bilduren hasierako idatziari emendakina aurkeztu zioten jeltzale eta sozialistek, zehaztuz ETAko kideek "aitortu" behar dutela eragindako mina. Puntu horretan abstentziora jo du Alderdi Popularrak. Dena den, Iñigo Iturrate jeltzaleak txalotu egin du presoen auzian legebiltzarrean eta gizartean dagoen "adostasun zabala".

Aldiz, Julen Arzuaga EH Bilduko diputatuak kritikatu egin du PPk urruntze politikak defendatzea, eta adierazi du "elkarbizitza eta normaltasun politikoa lortuko bada" beharrezkoa dela espetxe politikak aldatzea. "Sistema hau bera izan zen Xabier Reyren heriotza eragin zuena". Harekin bat etorri da Elkarrekin Podemoseko diputatu Pili Zabala ere, zeinak gogorarazi duen duela sei urte amaitu zuela ETAk borroka armatua.

Rafaela Romero sozialistak, berriz, adierazi du PSE-EE "beti" agertu izan dela sakabanaketaren aurka, eta hori bera jasotzen duela Espainiako ordenamendu juridikoak ere: "Legea betetzea ez da inoren aurrean amore ematea". Ordea, aurkako irakurketa egin du Carmelo Barrio popularrak, eta esan du "legezkoa" dela sakabanaketa politika.

Kataluniarekiko elkartasuna

Prozesu subiranistarekin lotuta preso sartutako politikari kataluniarrak aske uzteko eskatu dute EH Bilduk, EAJk eta Elkarrekin Podemosek Legebiltzarrean, eta kritikatu dute haien aurkako zigorrak "neurrigabeak" direla. Eskaeraren aurka agertu dira sozialista eta popularrak.

Bide batez, Legebiltzarreko Giza Eskubideen Batzordeak iragarri du Kataluniako politikariak preso dauden espetxeetara joango dela, haien egoera bertatik bertara ezagutu eta euren oinarrizko eskubideak betetzen diren ikusi asmoz.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Donostiako Ramontxu Berri tabernan egondako 683 laguni egin ziete proba, atzo ©Gorka Rubio / Foku

Hego Euskal Herrian, 492 positibo

Berria

Pertsona bat hil da Nafarroan, uztailaren 15etik lehena. Uztailaren 27tik abuztuaren 3ra Galdakaoko Muguru tabernan izan ziren 420 laguni PCR proba egingo diete, eta Donostian PCR-ak egiten jarraituko dute Ramontxu Berriko bezeroei.

Iñigo Urkullu Eusko Jaurlaritzako lehendakaria, iragan astelehenean, Gasteizen ©Jaizki Fontaneda / Foku

«Erantzukizunerako» deia egin du Iñigo Urkulluk

Joxerra Senar

Sare sozialetan zabaldutako ohar batean, Eusko Jaurlaritzako jarduneko lehendakariak ohartarazi du «denen artean ahal den guztia» egin behar dela lehen olatuan bizitako egoera dramatikora ez itzultzeko.

 ©ARITZ LOIOLA / FOKU

Eragile guztiekin biltzeko eskatu dio oposizioak Eusko Jaurlaritzari

Olatz Esteban Ezkati

538 positibo atzeman dituzte Hego Euskal Herrian, iragan astean halako bi. Ospitaleratzeak ere bikoiztu egin dira egun batean: 103 pertsona daude erietxean.

 ©RAUL BOGAJO / FOKU

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna