Sanferminak

Motxila 21ek botako du sanferminetako txupinazoa

5.000 boto jaso ditu down sindromea duten gazteekin osatutako musika taldeak. Denera, 12.000 boto jaso dituzte, inoiz baino gehiago.

Motxila 21 taldea.
Motxila 21 taldea. Foku

Kerman Garralda Zubimendi -

2018ko ekainak 22

Motxila 21 arduratuko da sanferminei hasiera emateaz. "Ohore" bat dela adierazi dute, eta txupinazoa buru urritasuna duten guztien omenez izango dela. Leire Zabalza eta Ibai Ganuza izango dira, taldekide guztien izenean, suziria pizteko arduradunak. Urduri baina harro agertu dira, udaletxeko balkoitik ohiu egiteko irrikaz. Buru urritasuna duten pertsonak festaren parte direla gogoratu dute.

Motxila 21 down sindromea duten gazteez osatutako rock musika talde bat da. Urte luzeetako ibilbidean, ehun kontzertu baino gehiago jo dituzte. Joseba Asiron alkateak adierazi duenez, "soberan merezi dute aitorpen hau". Alkateak azpimarratu du kontzientziazio eta gizarteratzen lan handia egiten duela Motxila 21ek.

Hiritarrek ekimen hau saritzea erabaki dute. Denera, 5.000 boto jaso ditu Motxila 21en hautagaitzak. Aurten, inoiz baino boto gehiago jaso dira, 12.000. Bozkatu duten guztiei eskerrak eman dizkiete Motxila 21eko ordezkariek, eta gainerako hautagaiei, 'Rastrojo' unaiari, Chrisallys Nafarroari eta Artearen Lagunei, beraien alboan egoteko deia egin diete.

Down sindromea duten hamabi gaztek osatzen dute Motxila 21. 2005. urtean hasi ziren jotzen, "musikaren bidez ongi pasatzeko, komunikatzeko eta hunkitzeko". Bidean, ospe handiko musikariekin jo dute, baita ere CD bat argitaratu: No somos distintos –Ez gara desberdinak–. "Laino tartean argia bilatzen segituko dugu, munduari erakutsaraziz ez garela desberdinak", azpimarratu dute gaurko agerpenean. Iruñeko txistu alardeak proposatu zuen Motxila 21 taldea txupinazoa botatzeko.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Iruñeko ospitaleko osasun langileak, gaixo bat artatzen babeserako ekipamenduekin, artxiboko irudi batean. ©MARISOL RAMIREZ / FOKU

«Tentsioa» ospitaleetan

Olatz Esteban Ezkati

Beste 505 kasu atzeman dituzte Hego Euskal Herrian. Gaitza zuten zazpi pertsona hil ziren iragan astean Araban, Bizkaian eta Gipuzkoan. Zamudioko zahar etxe batean 18 positibo izan dira

 ©JON URBE / FOKU

«02:00etan, festak ezin du segitu eremu pribatuetan»

Aitor Biain

Herritarren parte hartze handiagoa eskatu dute ostalariek, ardura guztia beren bizkar izan ez dadin. Ataka estuan direla ohartarazi dute, eta babes ekonomikoa galdegin diote administrazioari, helegitea onartu edo ez.

Kezka adierazi dute lehen arretako hainbat langilek. Argazkian, Bilboko Areilza anbulatorioa. ©ARITZ LOIOLA / FOKU

«Osasun sistemak eztanda egingo du»

Maialen Arteaga

Lehen arretako zentroen estutasunak azaleratu ditu COVID-19ak, eta aspaldiko aldarriak hauspotu ditu. Pandemiaren «bigarren olatua» iritsi dela aitortu du Eusko Jaurlaritzak, baina osasun etxeetan langileen erdiekin eta «lan gainkargarekin» dabiltzala salatu dute.

Bizkaiko zahar etxe bateko egoiliarrak artxiboko irudian. ©Marisol Ramirez/FOKU

Hemezortzi kasu atzeman dituzte Zamudioko zahar etxe batean

Berria

Donostiako eta Bilboko bi zahar etxeetan ere positiboak izan dira.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna