Albistea entzun

Musika

Amaitu egin dira Bilboko BBK Live jaialdirako bonuak

Soilik eguneko sarrera batzuk geratzen dira; uztailaren 12, 13 eta 14an egingo da jaialdia.

The XX talde ingelesa, zuzeneko emanalidan.
The XX talde ingelesa, zuzeneko emanalidan. Berria Tamaina handiagoan ikusi

Gorka Erostarbe Leunda -

2018ko uztailak 4 14:30

Soilik eguneko sarrera batzuk geratzen dira aurtengo Bilboko BBK Live musika jaialdirako, antolakuntzak jakinarazi duenez; hiru egunetarako bonu sarrerak amaitu dira, eta baita kanpaldirako sarrerak ere. Gaur goizean egin du azken aurkezpen ofiziala jaialdiak. Jakinarazi dute 120 herrialdetatik baino gehiagotatik erosi dituztela sarrerak aurten, bereziki Erresuma Batutik, Frantziatik, Italiatik, Alemaniatik eta Amerikako Estatu Batuetatik. Datu horiek eskuetan izanik, egunero 40.000 lagun inguru espero dituzte, hots, 120.000 lagun orotara. Hala azaldu dute Alfonso Santiago jaialdia antolatzen duen promotora enpresaren zuzendariak eta Xabier Otxandiano Bilboko Ekonomia Garapeneko zinegotziak.

Uztailaren 12an, 13an eta 14an egingo da jaialdia: lehen egunean, ostegunean, Florence and The Machine eta Alt-J talde ingelesak izango dira kartelburuak. Ostiralean, My Bloody Valentine indie rock talde irlandarra, The Chemical Brothers rock eta musika elektronikoa uztartzen duen talde beteranoa eta The XX ingelesak ariko dira. Gainera, The XX Londresko hirukoak kontzertu berezia emango du Bilboko Kafe Antzokian, uztailaren 10ean, asteartean. Sarrerak 49 euroren truke erosi ahal izango dira, uztailaren 7tik aurrera eta honako leku hauetan: Night + Bilbao dendan eta Power Records disko dendan. 

Larunbatean, Gorilazz talde ingelesa izango da kartelburua. Aurten, 97 talde ariko dira jaialdian, eta haietatik bostek soilik errepikatuko dute, antolatzaileek nabarmendu dutenez.

 

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Ruper Ordorika eta Joseba Sarrionandia, atzo iluntzean, Bilboko Kafe Antzokiko Kutxa Beltza aretoan. ©ARITZ LOIOLA

Honetaz eta hartaz, giro intimoan

Olatz Enzunza Mallona

Elkarrekin izandako bizipenak ardatz hartuta, askotariko gaiez solasean aritu dira Ruper Ordorika eta Joseba Sarrionandia ‘Huntaz eta hartaz’ emanaldian. Atzo hasi, eta ostegunera bitarte egingo dituzte saioak, Bilboko Kafe Antzokiko Kutxa Beltza aretoan. Amaitu dira sarrera guztiak.

Ezker-eskuin, Mari Jose Telleria, Adriana Moscoso del Prado eta Denis Itxaso, atzo, Artistaren Estatutuaren aurkezpenean. ©ANDONI CANELLADA / FOKU

«Konponbide duin bat» sortzaileei

Miren Mujika Telleria

Gipuzkoako Foru Aldundiak eta Espainiako Kultura Ministerioak kulturaren sektoreko lan baldintzak hobetzeko hartu dituzten neurrien berri eman dute Donostian. Langile asko joan da azalpenak aditzera.

 ©Iñigo Uriz / Foku

Irulegiko Eskuak leku berezia izango du 21. Arkeologia Jardunaldietan

Erredakzioa

Gaur hasi eta ostiralera bitarte egingo dituzte topaketak, Donostiako San Telmo museoan. Hitzaldietan hainbat gai jorratuko dituzte

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...