Albistea entzun

INTERNET

Europako Parlamentuak atzera bota du Interneten edukiak partekatzeko muga handiagoak jartzea

Egile eskubideak babesteko lege proposamena iritsi da osoko bilkurara; besteak beste, tasa bat ezarri nahi zuten hedabideen edukiak partekatzeagatik. Parlamentuak atzera bota du proposamena.

Europako Parlamentua, artxiboko irudi batean.
Europako Parlamentua, artxiboko irudi batean. Patrick Seeger/EFE

Garikoitz Goikoetxea -

2018ko uztailak 5

Interneten zeresan handia jarri duen lege proposamen bat baztertzea erabaki du Europako Parlamentuak. Egile eskubideei buruzko zuzentarau berria egiteko proposamena heldu da osoko bilkurara. Hilabeteak daramatzate testua lantzen, eta parlamentuko batzordean aurrera atera zen. Osoko bilkuran, ordea, aurka bozkatu du gehiengoak, 318 parlamentarik. Alde agertu dira 278 ordezkari, eta 31 abstenitu egin dira.

Polemika handia eragin du zuzentarau proposamenak. Batetik, aldeko ziren egile eskubideak babesteko hainbat elkarte: egileen lana aitortzeko urratsa zela uste dute. Bestetik, ordea, Interneteko enpresa handi batzuk aurka zeuden —Google, adibidez—, baita eragile txikiago ugari ere: askatasuna mugatzeko legea zela ohartarazi zuten. Adierazgarria izan da Wikipediak egindako protesta: gaur eguerdira arte, itxita eduki dute.

Zuzentarau proposamenaren bi artikuluk sortu dute zeresana. Batek, hamaikagarren artikuluak, zera zuen oinarri: egile eskubideak babestuak dituzten hedabideetako albisteak partekatzeko, hedabide horren baimena behar izatea. Horrek zuzenean eragiten zien albiste agregatzaileei, eta Wikipediaren gisako plataformei ere bai, informazio iturri gisa eduki horiek erabiliz gero. Sustatzaileen helburua zen tasa bat ordaindu behar izatea edukien jabetza duten hedabideei.

Beste artikulu gatazkatsua hamahirugarrena da: plataformak behartu nahi zituzten erabiltzaileek igotako edukiak berrikustera, ziurtatzeko ez dagoela egile eskubideak urratzen dituen edukirik. Plataforma horiek egin nahi zituzten egile eskubideak urratzearen erantzule. Youtuberi eragingo lioke horrek, adibidez.

Aurkako taldeek nabarmendu dute adierazpen askatasuna mugatzea ekarriko lukeela zuzentaraua onartzeak, eta erabiltzaileen pribatutasuna urratzeko bidea jarriko lukeela.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

1 ©MARISOL RAMIREZ / @FOKU

Berriro ere topagunea da

Ainhoa Sarasola

Iazko etenaren ondotik, aurrez aurrekoa izatera itzuli da Durangoko Azoka, eta, edukiera mugarekin, jendez bete da berriro ere Landako Gunea. Txandaka joan dira sartzen bisitariak, pilaketarik gabe

 ©ARITZ LOIOLA / FOKU

«Nahikoa lan izan dugu atzerakadari eusten»

Iñigo Astiz

Loiola, festara etorri, eta kulturak harrapatu zuen bere lehen Durangoko Azokan, eta Del Campo sormenerantz bultzatu du pandemiak. Landakon ezagutu dute elkar.

Myriam Miranda, Igor Muniategi, Amaia Ozerin eta Maite Bidarte, atzo, Landako guneko areto nagusian. ©MARISOL RAMIREZ / FOKU

Bidea urratzeko lanabesak

Andoni Imaz

Sortzaileei euren jardunean laguntzeko zenbait tresna azaldu dituzte mahai inguru batean: egile eskubideei, kontratazioari eta zabalkundeari buruzko argibideak eman dituzte

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.