Albistea entzun

Getxophoto

Gatazkak izango ditu ardatz aurtengo Getxophoto jaialdiak

Getxophoto nazioarteko jaialdiaren hamabigarren edizioa egingo dute irailaren 5etik 30era. Nazioarteko hogei artistaren lanak izango dira ikusgai.

Imanol Landa eta Jokin Aspuru Getxophoto aurkezten
Imanol Landa eta Jokin Aspuru Getxophoto aurkezten JUNE PRIETO/FOKU

Uxue Gutierrez Lorenzo -

2018ko uztailak 17 13:36

Aurtengo gaia gatazkaren ondorengo aldia izango da, gatazkaren zentzu zabalenean. Gatazka ekologikoak, teknologikoak, giza gatazkak eta gatazka politikoak irudikatzen dituzten lanak egongo dira ikusgai Getxoko kaleetan (Bizkaia). Monica Allende jaialdiko komisarioak gatazkaren esanahiari buruzko hausnarketa bultzatu nahi du horrela; eta, bide batez, elkarrizketa berreraikitzeko gonbita zabaldu. Imanol Landa Getxoko alkateak eta Jokin Aspuru jaialdiko zuzendariak aurkeztu dute aurtengo edizioa, Algortako Portu Zaharreko plazan egindako prentsaurrekoan.

Begihandi kolektiboak hartu du Getxophoto antolatzeko ardura, urtero proposaturiko gaiaren inguruan “gogoeta bultzatzeko asmoz”. Horrela, ikusizko kontakizunei eta erakusketa espazioei buruzko “aurreiritzien mugak zabaltzea” dute helburu. Hogei erakusketa, bi laborategi esperimental, hitzaldiak, instalazioak... askotarikoa eskaintza eskainiko du aurtengoak, XXI. mendeko iruditegia argazkilaritza tradizionaletik askoz harago dagoen seinale.

Hemengo zein kanpoko artistak jasoko ditu Getxophotoren hamabigarrenak. Tartean, Clemente Bernad iruindarraren erakusketa eta Markel Redondo bilbotarraren dron bidezko iruditegia.

Trantsizioa

Joan den urtean ireki zuen trantsizio garai berria jaialdiak. Alde batetik, izena aldatu zioten: argazkilaritza jaialdia irudiaren jaialdi bilakatu zen, ikusizko adiera eta bitarteko berriei tokia egiteko asmoz. Bestalde, Monica Allende komisarioak “trantsizioaren trilogia” aurkeztu zuen, hiru edizioko iraupena izango duela iragarriz. 2017an bere horretan landu zuten gaia artistek, aldaketen garaiaren zentzu zabala arakatuz. Aurten, aldiz, gatazkaren inguruan landuko da trantsizioa: gatazkatik elkarrizketara. Hamahirugarren edizioan itxiko dute aldaketa hirukotea.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Denis Martinez eta Olaia Valle dantzariak, Barakaldo antzokian, <em>Esna</em> obraren entsegu batean. ©OSKAR MATXIN EDESA / FOKU

'Esna' ikuskizuna ondu dute Marie de Jongh eta Doos konpainiek

Olatz Enzunza Mallona

Dantza eta antzerkia uztartuko dituen ikuskizun bat ondu dute elkarlanean Marie de Jongh eta Doos konpainiek: 'Esna'. Joko esperimentu gisa definitu dute. Bihar izango da estreinaldia.

 ©Mailo Oiarzabal

Pasio baten fruituak

Mailo Oiarzabal - Gipuzkoako Hitza

Urteetan jasotako eta gordetako bertso grabazioak transkribatzea erabaki zuen Xabier Unanuek duela ia hogei urte. 42.000 bertso baino gehiagoko bilduma osatu, eta Zestoako liburutegiari utzi dio.

Soledad Sevilla erakusketaren aurkezpenean, atzo, <em>Gatza</em> oihalaren aurrean. ©MAIALEN ANDRES / FOKU

Soledad Sevillaren 'Nire paisaia propioa' ikusgai dago Kubo Kutxan

Naroa Torralba Rodriguez

Soledad Sevilla artistaren 'Nire paisaia propioa' ikusgai dago Kubo Kutxan. Ibilbide baten proposamena da. Berak aukeratu ditu obrak eta kokapena

<em>Ketariatik mundura</em> pastoralaren bost partaideak. ©BERRIA

Elkanoren bidaia, pastoral «ttipi» batean, bihar, Iruñean

Uxue Rey Gorraiz

'Ketariatik mundura' «nanopastorala» eginen dute bihar iluntzean Iruñean. Hiru aktore eta bi musikari ariko dira, ordu eta erdiz. Mixel Etxekoparrek idatzi du obra

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.