Albistea entzun

Isuna

Bruselak 4.340 milioi euroko isuna ezarri dio Googleri, Androidekin jarrera menderatzailea izateagatik

EBren historiako zigorrik handiena da Googleri ezarritakoa. Interneteko bilaketetan nagusitasuna bermatzeko helburuarekin, Android sistema eragilea baliatzen duten telefono eta tableten egileen lana mugatu izana egozten diote.

Googleren hainbat produktu. /
Googleren hainbat produktu. / Monica M. Davey/EFE

Berria -

2018ko uztailak 18

Ez da Googlek jasotzen duen lehen isuna, baina bai orain arte Europak jarritako handiena. Iazko ekainean, Bruselak 2.420 milioi euroko isuna ezarri zion AEBetako erraldoi teknologikoari, monopolioen aurkako legeak urratu eta lehia babesten duten arauak ez betetzeagatik.

Oraingoan, baina, muga hori ere gainditu du zigorrak, eta 4.340 milioi euro ordaindu beharko ditu Android sistema eragilea baliatzen duten enpresekiko jarrera menderatzailea izateagatik, euren jarduna mugatuz. Enpresak 90 eguneko epea du jarrera aldatzeko. Egin ezean, eguneko irabazien %5era hel daitekeen isuna jaso dezake.

Bruselak zehaztu duenez, Play Store saltoki digitalaren lizentzia emateko baldintza gisa jartzen zuen multinazionalak sakelako eta tabletetan Google Search eta Chrome nabigatzaileak instalatzea. Horretaz gain, salaketak dio Googlek enpresa handiei ordainketak egin zizkiela sakelakoetan instalatutako aplikazio bakarra berea izan zedin.

"Googlek Android erabili du nagusitasuna bermatzeko. Horren eraginez, gainontzeko teknologia enpresek ezin izan dute berritu, eta ezta lehiatu ere. Ukatu egin dizkiete Europako kontsumitzaileei lehiak dakarzkien onurak, eta hori legez kanpokoa da", kritikatu du Europako Lehiarako komisario Margrethe Vestagerrek.

Iazko ekainean zigorra jarri ziotenean, gaia aletzeko Ekonominutua egin zuten Jon Fernandez eta Xabier Martin kazetariek.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Grebara deitu duten sindikatuetako ordezkariak, atzo, Iruñeko Kondestablearen jauregian. ©IÑIGO URIZ / FOKU

Nafarroako langile publikoak grebara deitu dituzte hilaren 15erako

Itsaso Jauregi

ELA, LAB, UGT, CCOO eta Steilasen arabera, gobernuak ez du negoziatzeko borondaterik izan
Federico Lopez, Jose Luis Zubeldia, Juan Mari Perez, Bittor Eskisabel eta Jose Mari Lazkano. ©RAUL BOGAJO / FOKU

«Gure dirua eskatzen dugu; iruzur egin digute»

Maddi Iztueta Olano

Geroako Kaltetuak plataformako kideek estatutua aldatzea eta horren berri ez ematea egozten diete zuzendariei eta sindikatuei. Helburu argia dute: euren dirua, nahi duten eran, berreskuratzea.
Lan ikuskari bat, lantegi batera egindako bisitan. ©Berria

Ikuskatu ostean, 8.760 kontratu mugagabe bihurtu dira Araban, Bizkaian eta Gipuzkoan

Olatz Silva Rodrigo

Lan Ikuskaritzak 18.700 jarduketa baino gehiago egin ditu iaz, eta 7,5 milioi euro jarri ditu isunetan. Gutuna jaso ostean, langileen kontratuak erregularizatu ez dituzten enpresek ikuskariaren bisita jasoko dute 2023an.

Ilunion enpresako eraikinaren kanpoaldea. ©@ILUNION / Twitter

Ilunioni prestazioen %30eko errekargua jartzeko eskatu du Bizkaiko Lan Ikuskaritzak

Maddi Iztueta Olano

Iazko maiatzean enpresako langile batek izandako istripu baten harira aurkeztu dute eskaera. Halaber, Gizarte Segurantzari eskatu diote Ilunioni 2.451 euroko isuna jartzeko.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.