Albistea entzun

Artea

Eloy de la Iglesiaren lana biltzen duen erakusketa aurkeztu dute Artegunean

Zarautzen jaiotako zinemagilea omendu dute, eta 200 argazkitan jaso dituzte hark zuzendutako 22 filmak eta antzerki eta telebistarako egin zituen lanak. Gaurtik azaroaren 4ra arte egongo da ikusgai.

Erakusketarako Baptiste Pauthek egindako grafitia.
Erakusketarako Baptiste Pauthek egindako grafitia. Juan Carlos Ruiz / Foku

Andoni Imaz -

2018ko uztailak 19 16:54

Zinema kinkiarekin lotu ohi da Eloy de la Iglesiaren izena (Zarautz, 1944 - Madril, 2006), estilo horren bueltan egin baitzituen bere lanik ezagunenak, baina ia 40 urteko ibilbidean askoratiko gaien inguruan aritu zen: moldatu zituen ipuin klasikoak, sortu zituen beldurrezko istorioak eta erakutsi zuen Frankismoaren ondorengo bazterreko gizartearen errealitatea. Zuzendari polemikoa izan zen, eta zentsurarekin behin baino gehiagotan egin zuen topo bere ibilbidean, Franco hil aurretik zein ondoren.

Gaur bertan zabalduko dute Eloy de la Iglesia. Desira objektu iluna izeneko erakusketa Donostiako Kutxa Kultur Artegunean, Tabakaleran, eta bertan errepasoa egiten die 60ko hamarkadatik 2003ra arte sortu zituen ikus-entzunezkoei, filmazioetan jasotako argazkiekin, batez ere. Pedro Usabiaga argazkilaria da erakusketaren komisarioa, eta De la Iglesiaren lanen arteko ibilbide kronologiko bat prestatu du, proiektu bakoitzaren azalpenarekin.

Hil zentik 12 urte igaro dira dagoeneko, eta lehen aldiz bildu dute bere lan osoa erakusketa batean. "Zinemaren eta bizitzaren militantea" zen Usabiagarentzat, eta zinema egiteko modu apurtzaile eta probokatzaile bat eskaini zuen. Ezagunak dira orduko gizarteak baztertutako kolektiboen inguruan egin zituen lanak, konplexurik gabe eta ausardia handiarekin. La criatura (1977), Navajeros (1980) edo El pico (1983) garai ilunetako kronikak dira, konpromiso irmoarekin eginak, baina umorerik galdu gabe.

Zinemagilearen lanari beste begirada batzuk gehitu dizkiote erakusketan, "ikuspegi berri eta gazteagoak emateko asmoz". Baptiste Pauthe artista plastikoak grafiti bat egin du, Itziar Orbegozo eta Tamara Garcia errealizadoreek bideo bat prestatu dute, Quentin Valois artistak bost collage egin ditu eta Jorge Fuembuena argazkilariak Quinqui Stars (Juan Vicente Cordoba, 2018) filmean jasotako irudiak jarri ditu ikusgai.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Denis Martinez eta Olaia Valle dantzariak, Barakaldo antzokian, <em>Esna</em> obraren entsegu batean. ©OSKAR MATXIN EDESA / FOKU

'Esna' ikuskizuna ondu dute Marie de Jongh eta Doos konpainiek

Olatz Enzunza Mallona

Dantza eta antzerkia uztartuko dituen ikuskizun bat ondu dute elkarlanean Marie de Jongh eta Doos konpainiek: 'Esna'. Joko esperimentu gisa definitu dute. Bihar izango da estreinaldia.

 ©Mailo Oiarzabal

Pasio baten fruituak

Mailo Oiarzabal - Gipuzkoako Hitza

Urteetan jasotako eta gordetako bertso grabazioak transkribatzea erabaki zuen Xabier Unanuek duela ia hogei urte. 42.000 bertso baino gehiagoko bilduma osatu, eta Zestoako liburutegiari utzi dio.

Soledad Sevilla erakusketaren aurkezpenean, atzo, <em>Gatza</em> oihalaren aurrean. ©MAIALEN ANDRES / FOKU

Soledad Sevillaren 'Nire paisaia propioa' ikusgai dago Kubo Kutxan

Naroa Torralba Rodriguez

Soledad Sevilla artistaren 'Nire paisaia propioa' ikusgai dago Kubo Kutxan. Ibilbide baten proposamena da. Berak aukeratu ditu obrak eta kokapena

<em>Ketariatik mundura</em> pastoralaren bost partaideak. ©BERRIA

Elkanoren bidaia, pastoral «ttipi» batean, bihar, Iruñean

Uxue Rey Gorraiz

'Ketariatik mundura' «nanopastorala» eginen dute bihar iluntzean Iruñean. Hiru aktore eta bi musikari ariko dira, ordu eta erdiz. Mixel Etxekoparrek idatzi du obra

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...