Osakidetza

Oposizioetako epaimahaikide bati espedientea zabaldu dio Osakidetzak

Gasteizko ospitaleko pediatria saileko burua da ikerketapean jarri dutena, azterketan oso gutxik erantzun zezaketen galdera bat sartzeagatik.

Jon Darpon Eusko Jaurlaritzako Osasun sailburua, atzo, Eusko Legebiltzarrean. /
Jon Darpon Eusko Jaurlaritzako Osasun sailburua, atzo, Eusko Legebiltzarrean. / Foku

Samara Velte -

2018ko uztailak 20

Osakidetzako lan eskaintza publikoko (LEP) filtrazioei buruzko eskandaluaren erdian, sendagile bati espedientea zabaldu diotela jakinarazi du gaur goizean Jon Darpon Osasun sailburuak komunikabideetan. Zehazki, Txagorritxuko ospitaleko pediatriako burua da ikerketapean dagoena. Haren azterketara aurkeztutako ikasleek eurek salatu zuten azterketa bidegabea diseinatu zuela epaimahaikideak: ikasle gutxik ikusi zuten kongresu batean azaldutako kasu bat jarri zuela ariketa praktiko gisa.

Darponek atzo eman zituen azalpenak Eusko Legebiltzarrean Osakidetzako LEPetan ustez gertatzen diren filtrazio eta faboritismoen inguruan. Hainbat sindikatuk, Elkarrekin Podemos eta EH Bildu alderdiek eta hainbat sendagilek salatu dutenez, ohikoa da epaimahaietan dauden zerbitzuburuek euren aukerako hautagaiek postua lortzeko neurriak hartzea; besteak beste, galdera-erantzunak aurretik filtratuz, kode bereziak erabiliz edo soilik batzuek asma ditzaketen gaien inguruan galdetuz. Salaketen ondorioz sortutako kalapitaren erdian, dagoeneko zortzi espezialitatetako hautaprobak ikertzea erabaki du Osakidetzak. Nolanahi ere, pediatria ez dago horien artean, eta Gasteizko sendagilearen kasua salatzen diren praktiken adibide bat izan litekeen arren, sindikatuek printzipioz ez zuten haren aurkako salaketarik plazaratu azterketa egin zutenean; aitzitik, hautagaiak izan ziren azterketaren zati bat bidegabea zela salatu zutenak. Zati hori baliorik gabe utzi zuen Osakidetzak ekainaren erdialdean.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Murga eta Tapia jarduneko sailburuak, gaur, Eusko Jaurlaritzaren Bilboko egoitzan. ©Javier Zorrilla / Efe

Eusko Jaurlaritzak neurri murriztaileak ezarriko ditu pilaketarik ez sortzeko

Andoni Imaz

Tapia jarduneko sailburuak adierazi du «agertoki berri bat» iritsiko dela, eta osasun larrialdia ezartzeak ez duela esan nahi iragan hilabeteetako neurriak hartuko dituztenik. Jendea ez pilatzeko, edukiera murriztuko dute zenbait lekutan, eta ordutegiak mugatuko dituzte.

Bilboko Zorrozgoiti zahar etxeko egoiliar bat, atzo. ©MIGUEL TOÑA / EFE

Etsipena, beldurra eta nekea zahar etxeetan

Aloña Beraza Peña

Zahar etxeetako kutsatzeek gorakada nabarmena izan dute azken asteetan, eta langileak beldur dira ez ote diren itzuliko gaitzaren lehenengo olatuko egoerara. Egoiliarren artean ere kezka da nagusi.

Salvador Illa Espainiako Osasun ministroa, atzoko agerraldian. ©CHEMA MOYA / EFE

Jaurlaritzak osasun larrialdia ezarriko du astelehenetik aurrera

Irati Urdalleta Lete - Olatz Esteban Ezkati

Tapia eta Murga sailburuek gaurko agerraldian emango dituzte xehetasunak. Madrilek hartu ditu lehen neurriak, egoera epidemiologikoak okerrera egin duela eta: tabernek 01:00ean itxi beharko dute, eta gauerditik aurrera ezingo da bezero gehiagorik sartu. Kalean erretzea ere debekatuta egongo da, bi metroko tartea bermatu ezin bada.

 ©ARITZ LOIOLA / FOKU

«Martxoko egun zailenetan PCRak orain bezala eginda, 6.000 kasu izango genituen»

Maite Asensio Lozano

Pandemiaren jarraipena egiten ari den lantaldeari esker COVID-19aren transmisioa moteldu egin dela uste du Ignacio Garitano epidemiologoak. Bigarren olatua iritsi dela berretsi du, baina orain askoz positibo gehiago detektatzen direla nabarmendu du.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna