Noiz sortua: 2018-08-27 11:49:57

Osasuna 1- 1 Elx

Puntu bakarra lortu du Osasunak etxeko lehen partidan

61. minutuan aurreratu zen talde gorritxoa Juan Vilarren golari esker. Partida bukatzeko hamabost minutu falta zirela, ordea, Kabak berdindu zuen partida. Bigarren zati ia guztia hamar jokalarirekin jokatu zuen Osasunak, 53. minutuan epaileak David Garcia kaleratu ondoren.

Juan Villar gola sartu zuen unean./
Juan Villar gola sartu zuen unean./ Jagoba Manterola/FOKU

Ainhoa Larretxea Agirre -

2018ko abuztuak 27

Golak. 1-0: Juan Villarek (61. min.). 1-1: Sorry Kabak (76. min.). Epailea. Daniel Ocon Arraiz. Txartel horiak: Osasunako Unai Garcia eta David Garciari (53. minutuan kaleratu zuen bi txartel hori atera ondoren) ; eta Elxeko Tekio, Gonzalo Verdu eta Xabi Torresi. Bestelakoak. 14.064 ikusle Sadarren.

 Etxeko lehen partida jokatu zuen atzo Osasunak Sadarren Elxen aurka. Pasa den urtean etxean denboraldi kaskarra egin ondoren Sadar gotorleku bihurtzea da Jagoba Arrasateren jokalarien helburua. Osasunak, ordea, ez zuen etxeko ibilbidea nahi bezala hastea lortu. Banako berdinketarekin bukatu zen partida. 54. minutuan David Garciari ateratatako txartel gorriak baldintzatu zuen neurketa, ia bigarren zati guztia jokalari bat gutxiagorekin jokatu behar izan zuelako Osasunak.

Lehen zatian aukera argiak izan zituzten bi taldeek. Partida hasi eta berehala Ivan Sanchezek izan zuen Elxen lehen golerako aukera. Arrasateren jokalariek, ordea, sendo erantzun zioten Elxen jokoari eta 13. minutuan gola sartzeko bi aukera garbi izan zituzten. Iñigo Perezek eta Juan Villarek, ordea, ez zuten jokaldiak golarekin errematatzerik izan.

Hortik aurrera jokoan oreka gehiago egon zen, nahiz eta Osasunak eraman zuen jokoaren ardura unerik gehienetan. Lehen zatiaren bukaeran, David Rodriguezek talde gorritxoa aurreratzeko aukera izan zuen Clercen pase baten ondoren baina ez zuen baloia sareratzerik lortu.

Atsedenaldiaren ostean, David Garciaren kaleratzeak baldintzatu zuen bigarren zatia. 53. minutuan kaleratu zuen epaileak Joseani sarrera gogor bat egin ondotik. Hamar minutu geroago, ordea, Iñigo Perezek ateratako falta bat sareratzea lortu zuen Juan Villarrek Osasuna markagailuan aurrean jarriz. Partidua bukatzeko hamabortz minutu falta zirela, ordea, Sorry Kabak berdinketarako gola sartu zuen.

Azken minutuetan bi taldeak saiatu ziren berriro markagailuan aurreraratzen, baina ez zuten sartu golik. Banako berdinketarekin bukatu zen partida Sadarren.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Maiatzaren 28an eguneratua, 18:00etan. ©BERRIA

Koronabirusaren azken datuak

Berria

Azkeneko 24 orduetan hiru pertsona hil dira COVID-19 gaitzaren eraginez, 23 positibo atzeman dituzte PCR probekin, eta sei gaixo ospitaleratu dituzte. Euskal Herrian 28.976 gaixok eman dute positibo guztira, koronabirusa atzemateko probaren bat eginda. Horietatik 2.037 hil dira. Grafikoak, albiste barruan.

 ©GORKA RUBIO / FOKU

«Orain gertatu den guztia zahartzaroari ematen zaion tratamenduaren metafora da»

Maider Galardi F. Agirre

Koronabirusaren krisia piztu denetik, maiz hitz egin da adinekoen zaurgarritasunari buruz, eta, oraindik, kalera irteteko mugak dituzte adinekoek. Mari Luz Esteban antropologoak eta Elixabete Garmendia kazetariak, ordea, salatu dute adinkeria dagoela, eta beharrezkoa dela nagusiagoei ahots propioa ematea.

Espainiako poliziak, Lapurdi eta Nafarroa arteko mugan. ©JAGOBA MANTEROLA/ FOKU

Mugako baldintzak malgutzeko eskatu dute Urkulluk eta Roussetek

Ekhi Erremundegi Beloki

Gutun bat bidali diete Frantziako eta Espainiako gobernuei, «euroeskualdean mugaz gaindiko joan-etorriak zabaltzeko»

Baionako ostatuetako terrazak, artxiboko argazki batean. ©ISABELLE MIQUELESTORENA

Ipar Euskal Herria bigarren fasean sartuko da ekainaren 2tik aitzina

Oihana Teyseyre Koskarat

Ostatuak zabalduko dituzte, baina neurri zorrotzak errespetatzeko baldintzarekin. Hirugarren fasea ekainaren 22an hastea espero dute

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna