Albistea entzun

Donostiako 66. Zinemaldia

Zazpi ekoizpen hartuko ditu Culinary Zinema sailak

Argentina, Singapur, Frantzia, Japonia, Espainia, Hego Korea eta Kanadakoak dira lanak, eta Euskal Herriko bat ere bada: Ander Iriarteren eta Aitor Bereziartuaren Bihar dok 13 filma.

Ander Iriarteren eta Aitor Bereziartuaren 'Bihar dok 13' filmeko fotograma bat.
Ander Iriarteren eta Aitor Bereziartuaren 'Bihar dok 13' filmeko fotograma bat.

Itziar Ugarte Irizar -

2018ko abuztuak 29

Alfred Oliveri argentinarraren Tegui: un asunto de familia lanak inauguratuko du gastronomiaren eta zinemaren saila aurten. Lehen film luzea du Oliverik, eta German Martitegui Argentinako sukaldariaren inguruan ardaztu du lana; 40 egunez euren jatetxea itxi eta Andeetako mendikatean beste bat irekitzeko hautuaren nondik norakoak kontatzen ditu. Irailaren 22an izango da proiekzioa, eta Martitegui berak prestatuko du osteko afaria.

Singapurren, Japoniaren eta Frantziaren arteko ekoizpena da Ramen Shop, Eric Khook zuzendutako fikziozko lana. Berlinaleko Culinary Cinema sailean aurkeztu zuen, eta Singapurretik bidaia gastronomiko bat egiten duen sukaldari bat du protagonista. Irailaren 23an erakutsiko dute Donostian, igandez, eta Pang Seng Meng eta Alexander Pang ariko dira sukaldean.

Miguel Angel Jimenezen Y en cada lenteja un dios lana izango da sailak erakutsiko duen hurrengo filma. Bi Michelin izar dituen L'Escaleta jatetxearen atzeko aldea erakusten du filmak. Kiko Moya eta Alberto Redrado sukaldariak arduratuko dira proiekzioaren osteko afariaz.

Jose Luis Lopez Linaresek Picual olibaren iraultza jaso du Jaén, Virgen & Extra filmean, eta irailaren 25ean erakutsiko du Donostian; Paco Morales ariko da ondoren sukaldean. Segidako proiekzioa, hilaren 26an, Little Forest izango da, Soon-rye Yim zinemagile korearrarena. Luke Jang eta Mikel Gallo ariko dira orduan sukaldean.

Azken aurreko emanaldia Maya Gallus kanadarraren The Heat: A Kitchen (R)evolution izango da, Heidi Bjerkan sukaldariarekin. Klausurako filma, aldiz, Bihar dok 13 izango da, Ander Iriarte eta Aitor Bereziartuarena. Kasu honetan, Basque Culinary Centerreko ikasleek prestatuko dute emanaldiaren osteko afaria, eta Ez Dok Amairu eta Gaur mugimenduetan oinarrituko dira platerak sortzeko.

Proiekzio eta afarietarako txartelak irailaren 3an jarriko dira salgai, 70 euroan. Pelikulak soilik ikusteko sarrerak irailaren 16tik aurrera eskuratu ahalko dira.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

 ©MARISOL RAMIREZ / FOKU

Aurtengo Durangoko Azokak argitu dezakeen argazkia

Itziar Ugarte Irizar

Digitalizazioaren aroak galdera ikur handiak ezarri ditu musikagintzaren sektorean. Nabarmen aldatu da musika banatzeko era, eta Durangoko Azokan ere gero eta begi-bistakoagoa da hori. Eredu bat agortzear sumatu arren, formatu fisikoaren aldeko jarrerari eusten diote gehienek.
Mona Hatoum artistaren <em>Still Life</em> instalazioa, Donostian. ©GORKA RUBIO / FOKU
Karmele Mitxelena eta Iñaki Cid Larrea, beren lan argitaratu berriak eskuetan, Donostian. ©GORKA RUBIO / FOKU

Karmele Mitxelenaren eta Iñaki Ciden lanak argitaratu dituzte

Itziar Ugarte Irizar

'Haragizko mamuak' du izenburu Mitxelenaren lehen narrazio liburuak, eta 'Behin batean Loiolan' antzerkiaren alorreko Ciden lanak. Donostia Hiriko Kutxa Literatura sariak irabazi dituzte biek, eta Elkarrek eman ditu lanok argitara.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.