Noiz sortua: 2018-09-06 07:59:00

Gizartea

Espainiako Kongresuak "osasun arreta unibertsala" onartu du

Egoera irregularrean dauden migratzaile atzerritarrek osasun txartela berreskuratuko dute. Alderdi popularra izan da Kongresuan aurka bozkatu duen bakarra.

Migratzaileak Irungo kaleetan, abuztuan.
Migratzaileak Irungo kaleetan, abuztuan. Gorka Rubio / Foku

Itziar Ugarte Irizar -

2018ko irailak 6

Espainiako estatuan erroldatuta dauden pertsona guztiek osasun arreta publikoa jaso ahalko dute berriz. Baita erroldatuta ez daudenek ere. Gaur goizean onartu du Kongresuak "osasun arreta unibertsala" bermatzen duen neurria, eta, modu horretan, bertan behera geratu da Mariano Rajoyren gobernuak 2012an egindako murrizketa. Ordutik hona, hainbat pertsonek ez dute izan osasun sistema publikorako sarbiderik: egoera irregularrean zeuden migratzaile atzerritarrak —adingabeak eta haurdun zeuden emakumeak izan ezik— eta gizarte segurantzan gutxiengo bat kotizatu gabe zutenak, besteak beste.

Carmen Monton Espainiako Osasun ministroak adierazi duenez, aurreko gobernuarentzat eskubideen murrizketa "presazko eginkizuna" izan zen, eta galdutako eskubide horiek berreskuratzea bilakatu da orain "presazko eginkizuna" gobernu berriarentzat.

EH Bilduren proposamena

Migrazio politikei lotutako proposamen berri bat aurkeztu du gaur goizean EH Bilduk. Azken asteetan Euskal Herrira heldu diren pertsona migratzaileen egoera ikusita, "Kultur Aniztasun eta Migrazio Zuzendaritza" sortzea proposatu du koalizioak. Irun eta Hendaia lotzen dituen Santiago zubian egin dute agerraldia, eta Jasone Agirre legebiltzarkideak azaldu du proposamena: "Zuzendaritza hori izango da migraziorako politika horren liderra, koordinazio lana egingo duena, baliabideak eskuratu eta antolatuko duena, eta beste erakunde eta esparruetan egiten diren politikei koherentzia emango diena".

Agirreren ustez, udan jazo diren gertakarien aurrean erakundeak "inprobisatzen" aritu dira, eta "sistemaren gabeziak" agerian geratu dira. “Harrera integral, ordenatu eta kalitatezko bat eskaintzeko modu bakarra gizarte sistemaren barruan da", nabarmendu du legebiltzarkideak.

 

 

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Ekainaren 1ean eguneratua, 19:00etan. ©BERRIA

Koronabirusaren azken datuak

Berria

Azkeneko 24 orduetan ez da inor hil COVID-19 gaitzaren eraginez. Bost positibo atzeman dituzte PCR probekin, eta 11 gaixo ospitaleratu dituzte. Euskal Herrian 29.309 gaixok eman dute positibo guztira, koronabirusa atzemateko probaren bat eginda. Horietatik 2.066 hil dira. Grafikoak, albiste barruan.

Bizkaiko pentsionistak protestan, pasa den astean. ©Luis Jauregialtzo, FOKU

Koronabirusak zahar etxeetan izandako eragina ikertzeko eskatu du Bizkaiko Pentsionisten Mugimenduak

Berria

Protesta egin dute gaur Bizkaiko pentsiodunek Bilboko udaletxearen aitzinean, eta argi utzi dute ez dutela murrizketarik onartuko osasun publikoan eta pentsioetan. Pentsiodunek zahar etxeen inguruko informazioa eskatu diete Eusko Jaurlaritzari eta Bizkaiko Aldundiari, baina ez dute erantzunik jaso. 

Gasteizko Txagorritxu ospitaleko Mikrobiologiako langileak, proba serologikoak aztertzen. ©Gorka Rubio / Foku

Hegoaldean ez da gaixorik hil azken 24 orduetan

Andoni Imaz

Araban, Bizkaian eta Gipuzkoan ez dute PCR bidezko positiborik atzeman, hiru hilabetean lehen aldiz. Azken orduetan, koronabirusaz kutsatutako hamar lagun ospitaleratu dituzte; hiru, ZIUn.

Zahar etxeetan gertatutakoa argitzeko eskatu dute pentsiodunek gaurko mobilizazioetan. ©Aritz Loiola / FOKU

Leiho berriak mugikortasunari (eguneko laburpena)

Pello Urzelai

Euskal Herrian ez da izan hildakorik azken orduetan. PCR proba bidezko positibo berriak gutxi izan dira: bost, denak Nafarroan.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna