Noiz sortua: 2018-09-24 15:16:20

Euskal presoak

Euskal preso gehiagoren hurbilketa iragarri du Espainiako Espetxe Zuzendaritzak

Angel Luis Ortizek esan du gerturatzeak urtea bukatu aurretik izango direla. "Biktimek ez dute espetxe politika baldintzatzen".

Sare Herritarraren mobilizazio bat, Basauriko espetxearen aurrean. /
Sare Herritarraren mobilizazio bat, Basauriko espetxearen aurrean. / Monika del Valle/Foku

Berria -

2018ko irailak 24

Urtea bukatzerako euskal preso gehiago gerturatuko dituztela iragarri du Angel Luis Ortiz Espainiako Espetxe Zuzendaritzako idazkari nagusiak, RNE irrati kateari emandako elkarrizketa batean. Esan du astero aztertzen dituztela kartzeletako zuzendaritzen txostenak, eta gero horiek baloratzen dituztela. "Kasu bakoitza" aztertzen dute, Ortizen arabera, eta zehaztu du ez dutela zerrendarik.

ETAren biktimei errespetua agertu die, baina adierazi du haiek ez dutela "baldintzatzen edo zuzentzen" espetxe politika. Esan du hori Espainiako Gobernuari eta Espetxe Zuzendaritzari dagokiela. "Biktimak izan dira estatuko zigor sistemak gehien ahaztu izan dituenak, baina duela urte batzuetatik biktimaren estatutu bat dugu. Garrantzia ematen zaie, entzuten dira, baina ez dute espetxe politika baldintzatzen".

Pedro Sanchez gobernuburuak ekainean iragarri zuen kartzela politika aldatuko dutela. Dena dela, bi euskal preso baizik ez dituzte ekarri Euskal Herriko kartzeletara: Olga Sanz eta Javier Moreno, biak Basaurira (Bizkaia). EPPKtik kanpo dauden presoak dira. Beste bi gerturatu egin dituzte: Marta Igarriz (Logroñora) eta Kepa Arronategi (Zuerara). Horiez gain, azken asteetan, Altsasuko auziko zazpi presoak Zaballako (Araba) eta Iruñeko espetxeera ekarri dituzte Madril ingurukoetatik.

Joan den astean, Jesus Loza Espainiako Gobernuaren EAEko ordezkariak azaldu zuen euskal presoak "ahalik eta erarik diskretuenean" gerturatuko dituztela Euskal Herrira. Erantsi zuen presoak hurbiltzea baino garrantzitsuagoa dela haiek "gizarteratzea".

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Maiatzaren 26an eguneratua, 20:00etan. ©BERRIA

Koronabirusaren azken datuak

Berria

Azkeneko 24 orduetan zazpi pertsona hil dira COVID-19 gaitzaren eraginez, 11 positibo atzeman dituzte PCR probekin, eta lau gaixo ospitaleratu dituzte. Euskal Herrian 28.634 gaixok eman dute positibo guztira, koronabirusa atzemateko probaren bat eginda. Horietatik 2.027 hil dira. Grafikoak, albiste barruan.

Berra adinekoen egoitza. ©JON URBE / FOKU

Ekainaren 8tik egin ahalko dira bisitak Gipuzkoako zahar etxeetan

Berria

Egoiliar bakoitzeko senide bakarra joan ahal izango da bisitan, eta segurtasun neurriak zorroztuko dituzte. Gipuzkoako zahar etxeetan 167 pertsona hil dira izurria hasi zenetik; gaur egun 22 eri daude, bi egoitzatan.

Maiatzaren 11an igaro zen lehen fasera Hegoaldea ©Marisol Ramirez, Foku

Hegoaldea lehen fasera igaro izanaren arrazoiak eman ditu Espainiako Gobernuak

Ainhoa Larretxea Agirre

Espainiako Osasun Ministerioak zehaztu du egoera epidemiologiko «ona» izan dela Nafarroa pasatzeko arrazoia; Osakidetzak pazienteak artatzeko duen «gaitasun handia», berriz, Araba, Bizkaia eta Gipuzkoa igarotzekoa. Maiatzaren 11n aldatu zen lehen fasera Hegoaldea.

Txagorritxu ospitaleko laborategiko irudi bat. ©Gorka Rubio / Foku

Datuen peskizan (eguneko laburpena)

Pello Urzelai

Beste zazpi pertsona gehitu behar dira koronabirusarekin hildakoen zerrendara. Bost EAEn, bi Nafarroan. PCR bidezko 11 positibo berri agertu dira.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna