Noiz sortua: 2018-09-25 16:15:14

OROIMEN HISTORIKOA

Erorien Monumentua eraistearen aldeko herri mugimendua aurkeztu dute

Mausoleo frankista botatzea eskatu dute 120tik gora pertsonak, manifestu batean.

Manifestuaren irakurketan parte hartu dute dozenaka herritarrek Iruñeko Udaletxe plazan.
Manifestuaren irakurketan parte hartu dute dozenaka herritarrek Iruñeko Udaletxe plazan. IÑIGO URIZ / FOKU

Ion Orzaiz -

2018ko irailak 25

Babes zabala lortu du Iruñeko Erorien Monumentua eraistearen aldeko ekinbideak. Aukera horren aldeko manifestua aurkeztu dute gaur, udaletxe plazan, eta 120tik gora pertsonak sinatu dute. Besteak beste, memoria historikoaren esparruko ekintzaileak, 1936ko kolpe militarraren eta diktaduraren biktimen senideak, kulturaren esparruko sortzaileak, unibertsitateko irakasleak, historialariak eta hainbat talde politikoko ordezkariak batu dira egitasmora.

Honako hauek dira sinatzaileetako batzuk: Iñaki Alforja zinemagilea, Ignazio Aiestaran EHUko irakaslea, Koldo Amezketa EAko buruzagi ohia, Koldo Amatria Orreaga Fundazioko presidentea, Montxo Armendariz zinemagilea, Tonino Carotone abeslaria, Joseba Ezeolaza CCOOko kidea, Jokin Elarre abokatua, Edurne Egino Ezkerrako zinegotzia, Fermin Balentzia abeslaria, Patxi Irurtzun idazlea, Roldan Jimeno historialaria, Victor Moreno idazlea, Jorge Nagore kazetaria, La Chula Potra rap kantaria, Laura Perez Orain Bai-Ahal Dugu taldeko bozeramailea, Kutxi Romero musikaria, Miguel Sanchez Ostiz idazlea, Jose Luis Uriz PSNko parlamentari izandakoa, Nerea Urbizu abeslaria, El Drogas musikaria eta Tomas Urzainki historialaria.

Manifestuan, Erorien Monumentua botatzeko motiboak aletu dituzte herri mugimenduko kideek. Hiru multzotan sailkatu dituzte: "arrazoi demokratikoak, legalak eta arkitektonikoak".

Eraikina eraisteko motibo demokratikoen artean, honako hau aipatu dute: "Genozidioaren eta altxamendu armatu basatiaren bi buruzagi eta zuzendari nagusiren omenez eginiko hileta panteoi erraldoi gisa diseinatu eta jaso zuen faxismoak Erorien Monumentua. Nafarroan ez zen gerra fronterik izan; hala ere, milaka herritar odol hotzean hil zituzten, ondasunak ostu zizkieten, euren senideak umiliatu zituzten, eta hamarkadaz hamarkada ikara eta isiltasunaz josi zuten herria. Gertaera lazgarri horiek babestu zituzten ideologiak laudatu eta goresten ditu monumentu horrek, baita gizateriaren kontrako krimenen apologia egin ere. Demokrazia batek ez zukeen sekula eraikiko, eta demokrazia batek ez luke zutik iraunarazi behar".

Legezko arrazoiei dagokionez, Memoria Historikoaren 52/2007 aipatzen dute manifestuaren sinatzaileek. Izan ere, lege horren arabera, diktadura goresten duten monumentu eta ikur guztiak kendu behar dira. "Kontuan hartzekoa da, kasu honetan, monumentua bere osotasunean eraikia dagoela altxamendu militarrari, Gerra Zibilari eta Frankoren diktadurari gorazarre egiteko xedearekin".

Azkenik, hirigintzari eta arkitekturari lotutako arrazoien artean, manifestuan aipatzen da eraikinari ezin zaiola bestelako erabilerarik eman: "Hileta monumentu gisa erabiltzeko diseinatu zuten; horretarako eraiki zuten, eta ez beste ezertarako. Barruan ez dago bizitzarik, eta inguruan duen presentziak erabat baldintzatzen du eremu horren erabilera".

Horregatik, eraikina botatzeko eskatu diete erakunde publikoei; hala nola Iruñeko Udalari eta Nafarroako Gobernuari.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Ekainaren 1ean eguneratua, 19:00etan. ©BERRIA

Koronabirusaren azken datuak

Berria

Azkeneko 24 orduetan ez da inor hil COVID-19 gaitzaren eraginez. Bost positibo atzeman dituzte PCR probekin, eta 11 gaixo ospitaleratu dituzte. Euskal Herrian 29.309 gaixok eman dute positibo guztira, koronabirusa atzemateko probaren bat eginda. Horietatik 2.066 hil dira. Grafikoak, albiste barruan.

Guardia bat pertsona bezero bati tenperatura hartzen, saltoki baten sarreran, Panama Hirian. ©Bienvenido Velasco / EFE

Munduan sei milioi pertsona baino gehiago kutsatu ditu birusak

Berria

375.000 pertsona hil dira COVID-19aren eraginez. Horien artean 105.000, Ameriketako Estatu Batuetan.

Baionako ostatuetako terrazak, artxiboko argazki batean. ©/ ISABELLE MIQUELESTORENA

Ipar Euskal Herrian bigarren fasean sartu dira

Berria

Besteak beste, ostatuak eta jatetxeak ireki ahal izango dituzte; baita kiroldegiak, jostalekuak, parkeak eta antzerki gelak ere.

Espaniako Poliziak, Iruñean, 2018an, protesta batean parte hartzen ari zirenak kolpatzen. ©Jagoba Manterola / Foku

Borrak eta armak erabilera bakoitzaren ondoren desinfektatzeko agindu die Madrilek poliziei

Berria

Herritar bati nortasun agiria eskatuz gero, hura haren eskuetatik ez hartzeko esan diete agenteei.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna