Noiz sortua: 2018-09-25 07:14:55

indarkeria matxista

Emakume bat hil dute Bilbon, eta bikotekidea atxilotu dute

Ertzaintzak topatu du emakumezkoaren gorpua, 13:30ean. Indarkeria zantzuak ditu gorpuak. Polizia iturriek jakinarazi dute mehatxuengatik salatua zuela bikotekidea. Mutrikun atxilotu dute arratsaldean.

Ertzainak, hildako emakumea topatu duten etxearen inguruan. /
Ertzainak, hildako emakumea topatu duten etxearen inguruan. / Javier Zorrilla/Efe

Berria -

2018ko irailak 25

Ollerietagoiena kaleko 25. zenbakian dagoen etxebizitzan topatu du Ertzaintzak Maguette Mbeugouren gorpua, Ertzaintzak BERRIAri baieztatu dionez, indarkeria zantzuekin. Bizilagun batek deitu du Ertzaintzara, eta orduan joan dira ertzainak etxera. Han topatu dute.

Mutrikun atxilotu dute gizonezkoa arratsaldean.

Berri agentziek ikerketa iturriak aipatuz zabaldu dutenez, hildako emakumezkoak 25 urte zituen eta bi ume txiki. Haien aurrean hil du gizonezkoak, iturri horien arabera. Lepoa moztuta hil dutela zabaldu dute.

Bilboko Udalak gogor salatu du hilketa, eta elkarretaratzea deitu du bihar 10:30etarako. Adierazpena onartu dute, eta han salatu dute, "ulergaitza" egiten zaiela gertatutakoa, eta elkartasuna azaldu die familiako kideei. "Maguetteren hilketa genero indarkeriaren agerpen gorena da, baina egunerokoan emakumeen kontrako indarkeriaren jarrera eta kasu asko agertzen dira, eta guztiak dira salatzekoak".

Emakundek ere salaketa egin du, eta elkarretaratzera joateko deia egin die herritarrei.

Euskal Herriko Emakumeen Mundu Martxak, berriz, manifestazio antolatu du bihar arratsalderako. 20:00etan abiatuko dira, Atxuri auzoko Enkarnazio plazatik.

Gaurkoarekin, gutxienez zazpi dira aurten indarkeria matxistarekin hildako emakumezkoak:

-Florentina eta Maria Jose ama-alabak (63 eta 43 urte). Apirilaren 20an emaztea eta haren ama labankadaz hil zituen gizon batek Gasteizen.
-Roxane (32 urte). Apirilaren 28an errepide bazter batean agertu zen bere hilotza, Donibane Garazin; bikotekie ohiak aitortu zuen hark harrapatu zuela istripuz, baina prokuradoreak nahita aritzea egotzi zion.
-Rejane Delattre. Maiatzaren 2an, 70 urte inguruko emazte bat agertu zen tiroz hilda Bidarten. 79 urteko senarra espetxeratu zuten, hilketa egotzita.
-Sophia Losche (28 urte). Ekainaren 21ean agertu zen bortxaz hilda, Asparreneako (Araba) gasolindegi batean. Alemaniakoa zen, eta han desagertu zen; kamioilari batek hartu zuen autostop egiten ari zela, eta hil egin zuen. Espainiako hegoaldean atxilotu zuten gizona.
-Natalia Balyuk (38 urte). Uharten. Abuztuaren 25ean senarrak larrialdietara deitu zuen, emakumeak dutxatik erorita min hartu zuela, baina haren zauriak eraso batekin bateragarrian zirela antzeman zuten. Hilaren 27an hil zen, ospitalean. Senarra atxilotu egin zuten, eta bermerik gabe espetxeratu.

Albiste gehiago

Apirilaren 2an eguneratua, 13:00etan. ©BERRIA

Koronabirusaren azken datuak

Berria

Euskal Herrian 10.022 gaixok eman dute positibo koronabirusaren proba eginda. 555 hil dira. COVID-19 gaitza izandako 2.459 pertsonari eman diete alta. Grafikoak, albiste barruan.

Gizon bat, Zagreben. ©ANTONIO BAT / EFE

Sakelakoen kokapena jasoko du Madrilek

Berria

Telefonica, Orange eta Vodafone konpainiek euren sareak erabiltzen dituzten sakelakoak non dauden kontrolatuko dute, eta informazioa Madrilgo Gobernuari emango diote. Koronabirusaren aurkako borrokan, populazioaren inguruko mugimenduei buruzko datuak biltzea da asmoa, Madrilen arabera, eta, gaineratu duenez, ikerketak ez ditu “gizabanakoen mugimenduak atzemango”, baizik datu “anonimoak eta multzoka”.

Murga, Urkullu eta Beltran de Heredia, diputazio iraunkorrean telematikoki azalpenak ematen. ©/ Irekia

Oposizioak «gardentasun falta» egotzi dio Urkulluri

Irati Urdalleta Lete

Iñigo Urkullu Jaurlaritzako lehendakariak azalpenak eman ditu Eusko Legebiltzarreko diputazio iraunkorreko bilkuran, EH Bilduk hala eskatuta. Argudiatu du «osasun arduradunen ezagutzan eta unean-unean jasotako informazioan oinarrituta» jokatu dutela.

Donostiako ospitaleko langile batzuk, mobilizazio batean ©Jon Urbe (Foku)

Osasuna bermatzen ez duten enpresak, fiskaltzara

Jokin Sagarzazu

LABek langileen kexak igorriko dizkio, zigor instrukzioko prozesuak ireki ditzala eskatzeko. Ohartarazi du oinarrizko zerbitzu batzuk «kolapsoan» daudela. ELAk, berriz, materiala bermatzeko eskatu dio EAEko Auzitegi Nagusiari.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna