Albistea entzun

Indarkeria matxista

"Zergatik jasan behar ditugu horrelakoak XXI. mendean?"

Azkoitiko fisioterapeuta batek salatu du bezero batek eraso egin ziola lanean ari zela.

Indarkeria Sexistaren Kontrako Emakumeon Plataformak sexu eraso bat salatzeko elkaretaratze bat. /
Indarkeria Sexistaren Kontrako Emakumeon Plataformak sexu eraso bat salatzeko elkaretaratze bat. / Idoia Zabaleta/Foku

Berria -

2018ko irailak 26 11:49

Sara Waliñok Ertzaintzara jo zuenean esateko gizon batek ukituak egin zizkiola, han jaso zuen erantzuna izan zen salaketa jartzea "alferrekoa" izango zela. Hori ikusita, Facebookeko bere kontua baliatu du gertatutakoa salatzeko.

Waliñok berak azaldu duenez, gizonezko bat joan zitzaion lan egiten duen fisioterapia zentrora ordu erdiko masaje bat eskatuz, eta zehaztuz berak ematea nahi zuela. Joan den ostiralerako jarria zuten ordua. Gizona gelara sartu zenetik beretik hasi zen jazarpena. "Bulegora sartu bezala, niregana gerturatzen hasi zen, baina ni urrundu egin nintzen, gauzak prestatzeko aitzakian".

Gerritik gora biluzteko eskatu zionean, ordea, gizonak arropa guztiak kendu zituen, eta buruz gora etzan zen. "Gerritik behera estali nuen maindirearekin, baina hura ere etengabe kentzen saiatzen zen gizona", dio Waliñok. Egoera ikusita, blokeatuta geratu zen. "Kasurik egiten ez niola ikusita, eskuari eusten ahalegindu zen, esanez sabeletik behera zuela mina". Hala ere ezer ez zuela lortzen ikusita, izterrean ukituak egiten ahalegindu zen, eta Waliñok ihes egiten jarraitu zuen.

Orduan, gizonak esan zion Bartzelonan antzeko gune batean egona zela, eta han bestelako ukituak egin zizkiotela. Waliñok erantzun zion esanez hura ez zela halako gune bat, baina gizonak jarraitzen zuen maindirea kentzeko ahaleginetan. Azkenean, alde egiteko esan zion fisioterapeutak. "Joan zenean, negarrez hasi nintzen. Nire bizitzako ordu erdirik luzeena izan da. Txikia, ahula eta zikina sentiarazi ninduen".

Waliñok ohartarazten du halakoetan, eraso egin diotenak ez duela ezer egin entzutean, maiz pentsatzen dela norberak bestela jokatuko lukeela, "baina halako egoera batean zer egin ez dakizula gera zaitezke". "Zergatik jasan behar ditugu horrelakoak XXI. mendean? Zergatik bizi behar dugu horrelako zerbait noiz gertatuko beldurrez? Zergatik ezin dugu gure lana lasai egin, kalera irten edo etxera bakarrik itzuli?".

Biktima izan diren emakumeentzako arreta zerbitzua

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Euskarazko irakaskuntzaren aldeko protes bat, 2021ean ©Guillaume Fauveau

NBEk azalpenak eskatu dizkio Frantziako Gobernuari hizkuntza gutxituei buruz

Ekhi Erremundegi Beloki

NBE beldur da Frantziako Konstituzio Kontseiluak 'Molac legearen' kontra hartutako erabakiak Frantziako gutxiengo linguistikoen giza eskubideei kalte garrantzitsuak eragiten ahal dizkiela

Etxean Zaindu eta Zaintel aurkeztu dituzte ©Jaizki Fontaneda / Foku

Eusko Jaurlaritzak familia zaintzaileak laguntzeko bi zerbitzu aurkeztu ditu

Isabel Jaurena

Mendeko pertsonak zaintzen dituztenen eguneroko bizitza erraztea da helburua

Errigoraren agerraldia joan den larunbatean. ©/ Errigora

Errigorak diru bilketa antolatu du Nafarroako suteengatik

Isabel Jaurena

Etorkizunean halakorik berriz ez gertatzeko erabiliko dira irabazi guztiak.

Miarritzeko ordainlekua, artxiboko irudian. ©Nicolas Mollo

Gizon bat hil da Miarritzen izandako auto istripu batean

Berria

Miarritzeko ordainlekuan gertatu zen istripua, atzo. Bi emazte Baionako ospitalera eraman behar izan dituzte, larri. Bi haur arinki zauritu dira, eta Baionako ospitalera eraman dituzte horiek ere.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...