Noiz sortua: 2018-10-16 15:49:35

euskal presoak

Hamar hilabeteko epea eman diote Peio Irigoieni bere egoera erregulartzeko

FIJAIT txostenak ezartzen dituen neurriak bete edo FIJAIT txostenetik ken dezaten eskatzeko aukera du Irigoienek ekainaren 18a arte. Hamar eguneko epea du erabakiari helegitea aurkezteko.

Peio Irigoien irailaren 11ko epaiketan
Peio Irigoien irailaren 11ko epaiketan Isabelle Miquelestorena

Ekhi Erremundegi Beloki -

2018ko urriak 16

Errudun izendatu dute baina ez dute zigortu. Hamar hilabeteko epea eman diote Peio Irigoieni bere egoera erregulartzeko. Irailaren 11an epaitu zuten Baionako auzitegian euskal preso ohia, Fijait arau-hauste terroristen egileen Frantziako fitxategi judizial automatizatuan izendatu ondotik ezarri zizkioten neurriak ez betetzeagatik. Haren bizitza pribatu eta familiarra oztopatzen dituela deitoratu zuten hura defendatzera joandako sei abokatuek, eta neurria konstituzioaren aurkakoa dela; kasua Parisko kasazio auzitegira bidaltzeko eskatu zuten, baina epaimahaiak ez zuen onartu. Samuel Vuelta Simon prokuradoreak, berriz, Fijaiten neurriak ukatzeak Hirigoienen bergizarteratzeko borondate falta erakusten duela adierazi zuen, eta, horregatik, gutxienez 800 euroko isuna ezartzeko eskatu zion epaileari.

Gaur, Fijaiten neurriak ez betetzeagatik errudun jo dute Irigoien, baina ekainaren 18a arteko epea eman diote bere egoera erregulartzeko. Funtsean, lau aukera ditu aurrean euskal preso ohiak Maritxu Paulus Basurco abokatuaren hitzetan. Fijaitaren neurriak betetzen hastea, Fijait txostenetik kendu dezaten prozedura abiatzea, ala ezer egin gabe ekainaren 18a arte itxarotea. Epe horretan bere egoera erregularizatu ez duela kontsideratuko balu, zigorra emanen lioke Baionako auzitegiak; helegitea ezarri lezake Irigoienek, baina ez auziaren funtsari buruzkoa, ekainaren 18an ezarriko lioketen zigorraren araberakoa baizik. Azken aukera, gaurko epaiari helegitea ezartzea litzateke. Kasu horretan, auzia errepikatuko litzateke Dei Auzitegian.

Irigoienek hamar eguneko epea du gaurko epaiari helegitea ezarri ala ez erabakitzeko. Paulus Basurco abokatuaren hitzetan, aukera guziak aztertuko dituzte zer egin erabaki aitzin. Hain zuzen ere, bi urteko epea geldtzen zaio Irigoieni Fijait txostenetik automatikoki ateratzeko.

Preso ohien salaketa

Jokin Etxebarria euskal preso ohien bozeramailearen hitzetan, Baionako auzitegiaren epaiak "argi" uzten du Fijaitaren aplikazioa neurri politiko bat dela, eta epaileek ere horrela irudikatu dutela uste du. "Guretzat neurri hori politikoki konpondu behar da, eta horregatik, guk segituko dugu borrokatzen bai Fijait eta baita bestelako neurri bereziak ere inori aplikatu ez diezazkioten", adierazi du. Euskal preso ohi batek Fijaitaren neurriengatik berriki izan dituen ondorioak ere salatu nahi izan ditu. Orain dela gutxi Popol Arranbide euskal preso ohia komisaldegira deitu dute polizia judizialaren aitzinera: Portugalera joan ahal izateko baimena eskatu zuen, eta eman zioten; baina ez zuen espresuki eskatu Espainiar estatutik pasatzeko eskubidea. Horregatik, komisaldegira deitu dute salatu du Etxebarriak. Bakearen aldeko urratsak egin diren eta egiten ari diren garai hauetan horrelako neurriak atxikitzea guztiz kontraerrankorra da preso ohien iritziz. “Onartuko dugun epai bakarra Fijait eta bestelako neurri guziak desaktibatzea izanen da”.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Maiatzaren 29an eguneratua, 19:00etan. ©BERRIA

Koronabirusaren azken datuak

Berria

Azkeneko 24 orduetan lau pertsona hil dira COVID-19 gaitzaren eraginez, 22 positibo atzeman dituzte PCR probekin, eta bi gaixo ospitaleratu dituzte. Euskal Herrian 29.107 gaixok eman dute positibo guztira, koronabirusa atzemateko probaren bat eginda. Horietatik 2.056 hil dira. Grafikoak, albiste barruan.

Araban, Bizkaian eta Gipuzkoan Lanbide arduratuko da errenta berria banatzeaz. ©JUAN CARLOS RUIZ / FOKU

Iritsi da bizitzeko gutxieneko diru sarrera, muturreko pobrezia murrizteko

Irune Lasa

Espainiako Gobernuak diru saria onartu du, eta ekainean bertan hasiko da ordaintzen. Hegoaldean, Eusko Jaurlaritzak eta Nafarroako Gobernuak kudeatuko dute

<b>Bisitak.</b> Senideen eta egoiliarren arteko bisitak, atzo, Andoainen. ©BERRIA

Egoiliarrak eta senideak, hormaren alde banatan

Irati Urdalleta Lete

Gipuzkoako zahar etxeetan dauden egoiliarren senideak ezin dira barrura sartu, eta atarian ari dira bisitak egiten, horma batek bereizita. Orain arteko egoera ikusita, gustura daude aurrez aurre egoteko daukaten aukerarekin.

Senideak, Iruñeko Erruki Etxearen kanpoaldean, egoiliarrak bisitatzen. / ©Jesus Diges, EFE

Egoiliarra ardatz duen zaintza eredua bultzatu nahi dute Nafarroan

Joxerra Senar

Zahar etxeetako eta beste gizarte zerbitzuetako egoitzak arautzeko dekretuaren zirriborroa aurkeztu du Nafarroako Gobernuak. Etxe baten antz handiagoa izango duen eredu bat lortu nahi dute aldaketekin

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna