Artzainek babesik eza salatu dute txakurren erasoen aurrean

Argudiatu dute ez dutela babesik jaso administrazioaren eta basozainen aldetik, eta jasaten ari diren kalteak gero eta handiagoak direla.

Ane Ubegun Goikoetxea -

2018ko azaroak 6

Urriaren 13tik ihes eginda dauden bi txakurrek hamabost artalderi eraso egin eta 70 ardi baino gehiago hil dituzte Eskoriatza (Gipuzkoa) inguruan. Inguruko artzainek azaldu dute itxuraz arriskutsuak ez diren bi txakur izan direla erasoak egin dituztenak, eta Ertzaintzak eta basozainek gertatukoaren berri izan arren oraindik ere solte dabiltzala mendian.

Nafarroatik, Arabatik, Gipuzkoatik eta Bizkaitik joandako artzainek hartu dute parte gaur Eskoriatzan egindako prentsaurrekoan, eta salatu dute arazoa "zabala" eta "orokorra" dela. Nabarmendu dute sarritan izaten direla txakurren eraso bakartuak artaldeetan, mendian eta baserri inguruko zelaietan.

Egoera hori dela eta, aldarrikatu nahi dute gizarte osoaren kolaborazioa beharrezkoa dela arazoari aurre egiteko, eta oso handia dela zenbait txakurrek artzainen ekonomian egiten duten kaltea. Horrez gain, argi utzi  dute administrazioaren eta basozainen inplikaziorik eza eta utzikeria.

Joan den urriaren 27an, hogei bat ardi hil ziren elurretan harrapatuta, aske zeuden hiru txakurrek ikaratu ostean. Ganaduzaleek kontatu zutenez, hotza zetorrela eta, ardiak Gorbeiatik behealdeko zelaietara eramaten ari ziren. Hurrengo egunean itzuli ziren, baina ardi asko falta zirela konturatu ziren. Antza denez, hiru txakur haien atzetik hasi, eta ardiek korrika egin zuten ihes mendian gora. Elurra hasi, eta azkenean harrapatuta geratu ziren azpian.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Erizain bat, gazte bati txertoa ematen, Brasilen. Umeak txertatzeko ohiko kanpainetan jaitsiera nabaritzen hasi dira aurten ©FERNANDO BIZERRA JR / EFE

COVID-19aren uste ustelak

Mikel P. Ansa

COVID-19aren pandemia ukatzen duten joera batzuek indarra hartu dute uda honetan. Haiek zabaldutako uste batzuk zeinen okerrak diren azaldu dute Miren Basaras eta Guillermo Quindos mikrobiologoek artikulu sorta honetan.

 ©GORKA RUBIO / FOKU

«Pila bat entzun dut errudun izatearen sentimendua dutela»

Irati Urdalleta Lete

Beldurrak, kezkak, erruduntasun sentimendua... Askotariko bizipenak dituzte positiboek eta haiekin kontaktu estua izateagatik itxialdia egin behar dutenek. Horiek gainditzeko gakoak eman ditu Elizondok.

PCR proba bat, Indian. Bigarren herrialde kaltetuena da hura. ©SANJEEV GUPTA / EFE

Milioi bat lagun baino gehiago hil ditu COVID-19ak

Iosu Alberdi

AEBetan erregistratu dute kasu eta heriotza gehien. Euskal Herriak munduko heriotza tasa handienetako bat du: 77 heriotza 100.000 biztanleko.

Konfinamendua ezarri zuten Azkoienen. ©Idoia Zabaleta / Foku

Hegoaldeko kasuen erdiak baino gehiago, Nafarroan

Uxue Rey Gorraiz

Beste 603 positibo zenbatu dituzte Hego Euskal Herrian; Nafarroan atzeman dituzte horietatik 318. Halaber, bi pertsona zendu dira birusaren ondorioz.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna