Albistea entzun

Euskara

Aiegik uko egin dio eremu mistoan sartzeari

Galdeketa egin zuten, atzo, aiegiarrek herria zein hizkuntza eremutan nahi zuten erabakitzeko. Eremu ez-euskaldunean jarraitzea erabaki zuten, 30 botoren aldearekin.

Aiegi herria. Artxiboko irudia.
Aiegi herria. Artxiboko irudia. Juan Carlos Ruiz/Foku

Berria -

2018ko azaroak 19 13:34

Honako hau zen erantzun beharreko galdera: "Nahi al duzu eremu ez-euskaldunean dagoen Aiegi eremu mistoan sartzea, euskararen 10/1986 foru legeari jarraikiz?". Ez bozkatu zuten 391 aiegiarrek; bai, 361ek. Horrenbestez, Aiegik eremu ez-euskaldunean jarraituko du.

Parte hartzea %42 izan zen. 766 herritarrek eman zuten botoa, eta 1.849k zuten bozkatzeko aukera. 20:00etan itxi zuten hautetsontzia, eta boto zenbaketa gertutik jarraitu zuten Ayegui Unido, Irache eta EH Bildu udal taldeetako ordezkariek.

Juan Mari Iantzi (Ayegui Unido) alkateak herritarren parte hartzea eskertu du, eta emaitza loteslea dela nabarmendu du. "Aiegik erabaki du, eta, udal batzarrean esan nuen bezala, emaitza loteslea da, emaitza edozein izanda ere".

Esperanza Gastea (Irache) zinegotziak ere antzera hitz egin du. "Erreferendum bat da, demokrazia batean gaude, eta herriaren erabakia errespetatu beharra dago, gustatu ala ez. Ez da ezer gertatzen, Aiegik aurrera jarraituko duelako". Hautagaitza independenteko ordezkariak herria eremu mistoan sartzearen aldeko adierazpen bat sinatu zuen, Aiegiko hiru alkate ohirekin batera.

Emaitzarekin eta haren ondorioekin kezkatuta agertu zen, berriz, Juan Luis Camarero EH Bilduko zinegotzia. "Pena bat da 30 botorengatik euskaldunok eskubideak galtzea gazteleraz, ingelesez edo frantsesez hitz egiten dutenen aldean. Eskubideak kentzen zaizkigu, ez direlako euskaldunenak gaztelerazko hiztunenekin berdintzen. Demokrazia batek eskubideak kentzen baditu, atsekabetu egiten nau", adierazi du. Camareroren esanetan, auzia ez zen galdeketa bidez argitu behar. Ayegui Unido taldeari leporatu dio hura bultzatzea, udal batzarrean, eremu mistoan sartzearen aurka ez agertzeko.

 

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©BERRIA

Hilekorako produktuen BEZa %10etik %4ra jaitsiko du Madrilek

Uxue Rey Gorraiz

Preserbatiboei eta medizinalak ez diren antisorgailuei ere eraginen die merkatzeak; pixoihalei, ez.

Hablamos español elkartearen protesta Madrilen, joan den astean. ©FERNANDO ALVARADO, EFE

«Zelan erdaldundu Euskal Herria?»: dekalogo bat eman du Euskal Encodingsek

Uxue Rey Gorraiz

Espainiako epaile batek «gaizkile txiki bat» sortzeko dekalogoa eman zuen joan den hamarkadan. Hori oinarri, eta begirada euskarara zuzenduz, beste bat argitaratu du Euskal Encondingsek: Etxean erdaldun txiki bat sortzeko dekalogoa. Hamar gako dira, ironiaz biziturik.

Elbira Zipitriaren estatuaren aurkezpena, Gipuzkoako foru jauregian. ©Gipuzkoako Foru Aldundia

Elbira Zipitriaren estatua bat jarri dute Gipuzkoako foru jauregian

Julen Otaegi Leonet

Lehenbizikoz, andre baten eskultura bat jarri dute jauregiko ohorezko patioan; Gipuzkoaren historiako izen handientzat gordetako espazioa da.

Imanol Pradales Sestao e Areetako metro geltokiak lotuko ditun trenaren aurkezpenan. ©Bizkaiko foru aldundia

Sestaoko eta Areetako metro geltokiak lotuko dituen trenak ez du makinistarik izango

Mikel Garcia Martikorena

Itsasadarraren azpitik igaroko den tren baten bidez, Bilboko Metroko lehenengo eta bigarren lineak lotuko dira.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...