Albistea entzun

21. Korrika

Egun bakarrean 100.000 ikustalditik gora lortu ditu 21. Korrikaren bideoklipak

Mad Muasel, Fermin Muguruza eta La Furiak elkarlanean egin dute 21. Korrikako bideoklipa. Era guztietako iritziak eragin ditu ikusleen artean.

Berria -

2018ko azaroak 30

Ia 100.000 ikustaldi ditu dagoeneko Klika Korrika bideoklipak YouTuben. Eta ia 200 iruzkin ere bai. Mad Muasel, Fermin Muguruza eta La Furiak egin dute elkarlanean. Muguruza bera arduratu da zuzendaritza artistikoaz, eta hirurek hartu dute parte grabaketetan. Ikus-entzuleen artean denetariko iritziak piztu ditu lanak, estiloaren inguruan. "Ze demontre da hau? Trap euskaraz?", galdetu du batek, esaterako. Antzeko iruzkinak nagusitu dira kanal horretan.

Euskaldun askorentzat estilo berritzailea ekarri du, antza. Goraipatu egin dute hori batzuek, beste zenbaiti ez die hainbeste grazia egin. Fermin Muguruzak berak, txio bat ere jarri du erreakzio horien inguruan.

Zerbait piztu duela, behintzat, ukaezina da. Batzuek Muguruzak aurez egindako lanak ekarri dituzte gogora.

Egun bakarrean ia 100.000 ikustaldi izatea ez da, ordea, noiznahi lortzen den marka. Hain zuzen, alde hori modu baikorrean nabarmendu dute hainbatek.

Korrika bera datorren apirilaren 4an abiatuko da Garestik, eta, 11 egunez Euskal Herriko hainbat txokotatik igaro ondoren, Gasteizen amaituko da, hilaren 14an. Hura prestatzeko lanetan ari dira buru-belarri AEK-koak. Dagoeneko zabalik dago laguntzaile izateko aukera, eta herriz herri ere hasiak dira batzordeak sortzen.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©BERRIA

«Feminismoari lotuta dago 'drag king'-a»

Olaia L. Garaialde

Begirada feministaren bidez maskulinitatearen eta harreman sozialen eraldaketan jartzen du arreta Massalami 'drag king'-ak. Generoa deseraikitzeko tresna politiko gisa erabiltzen du 'drag king'-a.
 ©IRRIMARRA

Loa izuaren mende

Amaia Ramirez de Okariz Kortabarria

Loaren nahasmenduetako bat izu-ikarak dira, eta batik bat umeek izaten dituzte, baina heldu batzuek ere bai. Ez dago argi zergatik, baina adituek uste dute badaudela arrisku faktore batzuk; esaterako, muturreko nekea. Dena den, badira saihesteko erabil daitezkeen teknika batzuk.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...