Albistea entzun
Emakumeen aurkako indarkeriari ez
Emakumeen aurkako indarkeriari ez

'Jaka horiak'

"Gurekin!"

Jaka Horiek laugarren mobilizazio eguna dute gaur. Miarritzeko eta Biriatuko ordainlekuetan dira goizean goizetik, handik pasatzen diren auto gidarien elkartasuna lagun dutela.

Miarritzeko ordainlekua, gaur.
Miarritzeko ordainlekua, gaur. Isabelle Miquelestorena.

Eihartze Aramendia Iparragirre -

2018ko abenduak 8 07:57

Miarritzeko (Lapurdi) Irati erakustazokako aparkalekuan ordua jarria zuten 09:00etan Jaka Horiek. Mobilizazio handi deitu diotenaren laugarren eguna da gaurkoa. Pixkana bilduz joan, eta, handik gutxira, hitz gehiegi trukatu gabe, bi taldetan banatu dira: batzuk Biriatuko ordainlekurantz abiatu dira, eta besteak, Miarritzekora. Zer egin behar duten argi dute denek.

Miarritzera iritsi bezain laster, Donostiarako eta Baionarako bi noranzkoetan jarri, eta kamioiak blokeatzeari ekin diote. Hasieran, kamioi batzuei pasatzen utzi diete trafikoa gehiegi ez oztopatzeko, baina, denak bazter batean jartzea lortu dutenean, autoei bakarrik utzi diete pasatzen. Ordainlekuko hesia irekita bazegoen ere, auto gidari batzuek ordaintzeko asmoa agertu dute, ezjakintasunez, baina Jaka Horiek berehala jakinarazi diete gaur dohainik zela bidesaria.

Auto gidari askok eta askok jaka horia begi bistan zuten, eta klaxona jotzearekin batera mugimenduarekin bat datozela adierazi dute, Jaka Horiek "gurekin!" oihukatu bitartean.

Pierre eta Gaelle Fabie aita-alabak hantxe zeuden goizean. Angelutik (Lapurdi) etorri dira, eta mugimendua hastapenetik sostengatzen dutela esan dute. "Macronek hitz egitea nahi dute, eta dimisioa ematea. Gure erosmen ahalmena handitzea espero dut, eta gure erretretari balioa handitzea", azaldu du Pierre Fabiek. "Mugimendu honek zerbait ekarriko duela pentsatu behar da, ez baita posible hilean 1.200 euro irabaztea; are gutxiago, bi haurrekin bakarrik zaudenean", gehitu du Gaelle Fabiek.

Nathalie Martin Baionatik dator. Gauzak aldatzea espero du: "Nik uste dut gauzak lortuko ditugula, eta, Macronek dimisioa ematen badu, ez dago inongo arazorik".

Robert Bredt duela lau urtetik bizi da Baionan. Paristarra da, eta gaurko eguna gertutik jarraitzen ari da; batik bat, Parisen zer gertatzen ari den familikoengandik ari da jasotzen. Bera ere mugimendua hastapenetik sostengatzen du, eta, azaroaren 17tik, mobilizazioetan parte hartzen ari da: "Ez naiz hor egunero, lan egiten dudalako, baina asteburuetan hor naiz". Mugimenduak duen antolatzeko modua aldatu duela nabarmendu du: "Hasieran, biribilgunetan jartzen hasi ginen, eta ni, behintzat, ez nintzen oso eroso, hor ez genuela ezer egiten sentitzen nuen. Baina ordainsarietan beste gauza bat da. Kamioiak blokeatzearekin batera, ekonomia blokeatzen dugu, eta hori garrantzitsua da presio egiteko". Boterea herriari itzuliko zaiola espero du, mugimendu honek horretarako balioko duela pentsatzen du. "Politikoek politika beraien artean eta beraientzat egiten dute, baina ez dute herriarengan pentsatzen".

Goizean Baionan klimaren alde egindako martxara ere joan dira Jaka Hori batzuk, horiek ere aldarrikapen horrekin bat egiten dutela adierazteko. Denak ez ziren ados martxara joatearekin, eta ordainsarietan jarraitu dute.

Joan den larunbatean bezala, 19:00 aldera arte ordainsarietan egongo direla adierazi dute.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Manifestarietako batzuk bandera moreak astintzen, Bulebarrean. ©JON URBE / FOKU

Ozen berriz: «Aski da!»

A. Iraola - I. Orzaiz - M. Asensio Lozano

Mugimendu feministak kaleak bete ditu bortxa matxistaren aurkako mezuekin. Justizia «feminista» aldarrikatu dute. Instituzioen elkarretaratzeak ere izan dira

Ikastetxe bateko korridorea eta ikasgela, artxiboko irudi batean. ©BIEL ALIÑO / EFE

Hezkuntza Legeari eginiko ekarriak, murgiltzetik «laikotasun positibora»

Irati Urdalleta Lete

35 eragilek eta norbanakok egin dizkiote zuzenketak Eusko Jaurlaritzaren Hezkuntza Legearen aurreproiektuaren lehen zirriborroari; euskarak eduki beharreko garrantzia da ardatzetako bat

<b>Txapa.</b> 'Ahobizi' txapa andre baten paparrean (artxiboko irudia). ©J.U. / FOKU

Euskarak, maitale asko eta etsai gutxi

Irati Urdalleta Lete

Nolako jarrera dute euskal herritarrek euskararen inguruan? EHUko NIK ikerketa taldearen esanetan, jarrerak onak dira orokorrean, baina badaude ahulguneak: zenbaitek mundu tradizionalarekin lotzen du oraindik ere euskara; ez, ordea, gai espezifikoekin edo lagunartean erabiltzearekin.
Indarkeria atxistaren aurkako elkarretaratze bat, Tuteran, artxiboko irudian ©Iñigo Uriz / foku

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.