Lan gatazka

Greba mugagabea egingo dute Ubikeko langileek

Bizi duten "prekarietatea" salatzeko, hilaren 22tik aurrera egingo dute greba mugagabea Donostiako Tabakalerako liburutegiko beharginek. Datorren ostiralerako, berriz, egun osoko lanuztea deitua dute. 

Ubik liburutegia, Donostiako Tabakaleran. JUAN CARLOS RUIZ / FOKU
Ainhoa Sarasola.
2018ko abenduaren 11
13:34
Entzun

Donostiako Tabakaleran dagoen Ubik liburutegiko langileek asteak daramatzate bizi duten "prekarietatea" salatzen. Orain, mobilizazioak areagotzea erabaki dute, ELA sindikatuak eta beharginek eurek jakinarazi dutenez: datorren ostiralean egun osoko lanuztea, eta hilaren 22tik aurrera greba mugagabea egingo dituzte.

Sorkuntza liburutegia da Ubik, eta bitartekari lana egiten dute bertako langileek. Sedena enpresa nafarrak azpikontratatutako langileak dira guztiak, eta salatu izan dutenez, kontziliazioa ezinezko egiten duten ordutegiak dituzte, eta 1.000 eurotik beherako soldatak jasotzen dituzte, besteak beste.

Beren egoera salatzeko, bi orduko lanuzteak egin zituzten azaroaren 17an, eta abenduaren 1ean eta 7an; azaldu zutenez, langile guztiek parte hartu zuten protestetan, eta, ondorioz, liburutegia itxi egin behar izan zuten. 

Bai Tabakalerako administrazio kontseiluari bai Sedena enpresari "negoziazioa serio hartzeko eta arduraz jokatzeko" deia egin die Maddi Azpiazu ELAko ordezkariak.

 

Iruzkinak
Ez dago iruzkinik

Ordenatu
0/500
Interesgarria izango zaizu
Nabarmenduak
Orain, aldi berria dator. Zure aldia. 2025erako 3.000 babesle berri behar ditugu iragana eta geroa orainaldian kontatzeko.