Albistea entzun

AEB-ak

Hiru urteko zigorra jarri diote Trumpen abokatu ohiari

Lehen aldia da Trumpen gertuko kolaboratzaile bat espetxera zigortzen dutena. 2016ko presidentetzarako kanpainan bi emakume isilarazi izana egotzi diote Coheni.

Tumpen abokatu ohi M. Cohen New Yorkeko auzitegira iristen, gaur.
Tumpen abokatu ohi M. Cohen New Yorkeko auzitegira iristen, gaur. JUSTIN LANE/EFE.

Berria -

2018ko abenduak 12 07:01

New Yorkeko auzitegi batek hiru urteko espetxe zigorra jarri dio Michael Cohen AEBetako presidentearen abokatu ohiari. Lehen aldia da Trumpen zirkulu hurbileko norbait espetxera zigortzen dutena. Besteak beste, 2016ko presidentetzarako kanpainan bi emakume isilarazi izana egotzi diote. Fiskaltzak lau urtetik gorako zigorra eskatu zuen, aipatutako delituez gain, deklarazio “faltsuak” egin zituela iritzita.

Cohenek berak abuztuan deklaratu zuenez, Stephanie Clifford aktore pornoari 130.000 dolar ordaindu zizkion Trumpen aginduz, elkarrekin izandako sexu harremanak ez azaleratzearen truke. 150.000 dolar, berriz, Karen McDougal Playboy-ko modelo ohiari, gauza beragatik. Biek baieztatu dute sexu harremanak izan zituztela Trumpekin 2006 eta 2007 artean, eta diru ordainketa hori 2016an egin zuen Cohenek, bozen atarian, hautagaiaren irudia zaintzea helburu, eta kanpainaren araudia urratuz delitu federala eginez.

Gainera, adierazpen "faltsuak nahita" egiteagatik ere zigortu dute Cohen. Trump Tower delako etxeorratz baten inguruko adierazpenak egin zituen abokatuak; Moskun halako bat eraiki behar zutela esan zuen, baina ez zuten egin azkenean.

Cohenen abokatu Lanny Davisek argi esan zuen abuztuan, bere bezeroaren deklarazioa amaitu bezain pronto: "Ordainketa horiek delitu badira Michael Cohenentzat, zergatik ez dira izango Donald Trumpentzat?".

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

"2022an oheratu nintzen eta 1950an esnatu naiz"

Abortu eskubide konstituzionala indargabetu dute epaileek AEBetan

Urtzi Urrutikoetxea

Milaka lagun irten dira AEBetako hirietan abortu eskubidearen aldeko protestetan. Elkar babestearen eta kalean mobilizatzearen garrantzia nabarmendu dute.

Migratzaile talde bat pilatuta, atzo, Marokoko Nador hirian. ©AMDH

Gutxienez 37 dira Melillako hesia gainditzeko saiakera jendetsuan hildakoak

Gorka Berasategi Otamendi - Jon Ordoñez Garmendia

Espainia eta Maroko arteko muga zeharkatzen ahalegindu ziren 2.000 lagun, herenegun. SOS Arrazakeriak elkarretaratzera deitu du gaurko.

Joe Biden AEBetako presidentea, atzo, Etxe Zurian, hedabideen aurreko agerraldian. ©OLIVIER CONTRERAS / EFE

Biden: «Muturreko ideologia baten ondorioa da»

U. Urrutikoetxea

AEBetako presidenteak ohartarazi du amen heriotza tasa igo egingo dela herrialdean, Auzitegi Gorenak hartu duen erabakiaren ondorioz

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...