Albistea entzun

Estrasburgoko ustezko erasotzaileak bere kabuz jardun zuen, Frantziako Gobernuaren arabera

Poliziak hil egin du Estrasburgoko erasoaren ustezko egilea. Estrasburgoko Meinau auzoan egindako operazio batean atzeman dute Cherif Chekatt 29 urteko gaztea, eta tiroz hil dute.

Poliziak, atzo, Neudorfeko operazioan.
Poliziak, atzo, Neudorfeko operazioan. JEAN-MARC LOOS / EFE

Berria -

2018ko abenduak 14 12:54

Frantziako Gobernuak azaldu duenez, Estrasburgoko Gabonetako azokan hiru lagun hil zituen ustezko erasotzailea ez da gaizkile sare bateko kide, eta bere kabuz jardun zuen. Hala ondorioztatu dute polizia ikerketaren lehen informazioetan oinarrituta. Christophe Castaner Frantziako Barne ministroak adierazi du ez dagoela zantzurik ihes egiteko garaian inorren laguntza jaso zuela pentsarazi dezakeenik.

Hainbat polizia operazio egin zituzten atzo, eta horietako batean atzeman dute herenengungo erasoaren ustezko egilea. Neudorf auzoan galdu zuten Chérif Chekatten arrastoa astearte iluntzean, eta handik gertu atzeman zuten. 21:00ak aldera izan da, Neudorf ondoko Meinau auzoan. Poliziak tiroz hil du 29 urteko gaztea. Castanerrek ziurtatu du Chekattek egin ziela lehenik tiro poliziei, eta horiek erantzun egin ziotela beren burua babesteko.

Ministroaren esanetan, poliziaren lanari esker atzeman dute Chekatt. "Lehen unetik haren jatorrizko auzora bideratu da ikerketa". Gaineratu du Chekatt bertan gorde dela, ziurrenik, Estrasburgoko erasotik ihes egin ondoren. Xehetasunik eman gabe, adierazi du Neudorfetik igorritako informazio batean oinarritu zela polizia, atzo, inguru horretara helikoptero bat eta patruilak bidaltzeko.

Poliziak Chekatten gurasoak eta bi anaia atxilotu zituen erasoaren ostean, galdeketa egiteko. Bosgarren lagun bat ere atxilotu zuten; haren "gertukoa", Poliziaren esanetan.

Estrasburgoko erasoak lau hildako utzi ditu, Parisko Fiskaltzak emandako azken datuen arabera. Gainera, beste lagun bat hil ala biziko egoeran dagoela azaldu dute, eta beste lau lagunek jarraitzen dutela ospitalean.

Frantziako Barne Ministerioak asteazkenean baieztatu zuen "ekintza terrorista" izan zela Estrasburgoko Gabonetako merkatuan gertatutakoa, eta ustezko egiletzat jo zuen Chekatt. Poliziak azaldutakoaren arabera, fitxatuta zegoen, eta S fitxategian sartuta zeukaten; alegia, "terrorismoarekin" zerikusia izan dezaketela pentsatzen duten pertsonen zerrendan. Iturri horrek dioenez, Chekatt espetxeetara joan-etorrian ibili da Frantzian, Suitzan eta Alemanian, "ohiko delituengatik". Hain justu, Polizia bere etxera atxilotzera joan zen lapurreta baten egile izan zelakoan, betiere, Barne Ministerioaren arabera.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Emakume bat bozkatzen, gaur, Zaporizhiako ospitale batean ©EFE

%97k Errusiako Federazioarekin bat egitearen alde bozkatu dute, lehen emaitzen arabera

Igor Susaeta

Donetsk, Luhansk, Zaporizhia eta Kherson Ukrainan Errusiak partzialki okupatutako eremuetan egin dituzte galdeketak. Ukrainak jakinarazi du traizioa egotziko dietela bozketetan «moduren batean» parte hartu duten ukrainarrei.

Pere Aragones Kataluniako presidentea, gaur, politika orokorreko eztabaidan ©Quique Garcia, EFE

Erreferendum bat noiz eta nola egin zehazteko argitasun akordio bat proposatu du Aragonesek

Gorka Berasategi Otamendi

Akordioa lortzeko eztabaida hastera deitu ditu alderdiak eta gizartea bera, eta ezinbestekotzat jo du eremu sozial guztien ekarpenak jasotzea. Nabarmendu du Katalunian badela autodeterminazioaren aldeko gehiengo zabal bat.

Pertsona batzuk hauteskundeetako emaitzak ikusten, atzo, FdI Italiako Anaiak alderdiaren egoitzan. ©ETTORE FERRARI / EFE

Europako eskuin muturrak beso zabalik hartu du neofaxisten garaipena

Julen Otaegi Leonet

Le Penek ultrak zoriondu ditu, «EB antidemokratiko eta harroputz baten mehatxuei aurre egiteagatik». Orbanentzat, «merezitako garaipena» da». Frantziak «erne» egotera deitu du
Kolonbiako eta Venezuelako herritarrak muga zeharkatzen, Francisco de Paula Santander zubitik, atzo. ©RAYNER PEÑA R. / EFE

Venezuelaren eta Kolonbiaren arteko muga ireki dute, zazpi urteren ondoren

Maddi Iztueta Olano

Lurreko eta aireko merkataritza trukeetarako erabili ahal izango da. Bi herrialdeak harreman diplomatikoak berreskuratzeko bidean daude

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...