Albistea entzun

Onintza Enbeitak irabazi du Bizkaiko Bertsolari Txapelketa

Lehen aldiz, emakume batek jantzi du txapela. Bigarren tokian Etxahun Lekue geratu da, eta hirugarrenean, Xabat Galletebeitia. Bilbo Arena bete egin da Bizkaiko Bertsolari Txapelketako finalerako.

Onintza Enbeitak irabazi du Bizkaiko Bertsolari Txapelketa
Onintza Enbeitak irabazi du Bizkaiko Bertsolari Txapelketa

Berria -

2018ko abenduak 15 07:13

Onintza Enbeita eta Etxahun Lekue igaro dira Bizkaiko Bertsolari Txapelketako buruz burukora. Hauxe izan da kartzelako gaia bi bertsolarientzat: "Zorotzat hartu zaitue danek, baina bardin deutsu". Eta Enbeitak bikain erantzun dio erronkari:  "Galdera danen erantzuna da/ sarritan geure barrena/ Baina nik nori eskatu behar/ deutsat ba orain baimena?/ Neure barrutik atera nahi dot/ behinola izan nintzena".

Ondo egin du Lekuek ere, baina poto bat ere egin du urduritasunak bultzatua. Bera ere ohartu da egindakoaz, baina bikain irauli du egoera. Dena den, hutsegitea erabakigarria izan da irabazlea ebazteko, eta hori bera izan du kantugai azken bertsoan ere: "Montaña rusan ibili bainaiz eta azkenean lurra jota".

843,5 puntu eskuratu ditu Enbeitak, eta bera da Bizkaiko Bertsolari Txapelketa irabazi duen lehen emakumea. Osabak, Jon Enbeitak jarri dio txapela bizkaitarrari. Emozioz gainezka eta txalo artean hartu du hark saria. "Balentin zu izan zinen / gurean lehen txapelduna / gero etorri zan osaben ta lehengusuen eguna / orain etxeko txikia / bihotza ostu eutsuna / makila eskuan dago / erdi negarren tuntuna / 16 urtetik plazan / gaur lora, bihar asuna / zuen altzoan egin naz ni / neska bat ahalduna / sentituarazi nozuen hain etxeko kuttuna/ plazaz plaza bueltau nahi dot / jaso dodan maitasuna".

Arratsaldeko bostetan puntuan zabaldu dituzte Bilbo Arenako ateak. Bete egin dira eserlekuak. Zortzi bertsolari gazte baina trebatu aurrez aurre: Aitor Bizkarra, Eneko Abasolo, Etxahun Lekue, Jone Uria, Miren Amuriza, Nerea Ibarzabal, Onintza Enbeita eta Xabat Galletebeitia.

Guztiek egin dute lan bikaina, eta ezustekoren bat edo beste eraman dute bertan bildu direnek. Asko izan dira Aitor Bizkarraren lana goraipatu dutenak. Baina soilik Enbeitak eta Lekuek lortu dute azken aurrez aurrekora igarotzea. Erabakia jakin denean, Bilbo Arena ez ezik, sare sozialak ere lehertu egin dira:

 

 

 

 

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Harkaitz Cano eta Irati Jimenez idazleak eta Uxue Razkin editorea, atzo, Donostiako Udal Liburutegi Nagusiko atarian. ©GORKA RUBIO / FOKU

Altxorraren giltzen bila

Gorka Arrese

Irati Jimenezek 'Ogia eta zirkua' saiakera idatzi du, Harkaitz Canoren 'Neguko zirkua' liburuko ipuinez. Unamuno saria jaso zuen. Erein etxeak argitaratu du
Alvaro Matxinbarrena artista, <em>Wild is the wind</em> erakusketan, Iruñeko Ziudadelako bolborategian. ©IDOIA ZABALETA / FOKU

Argi leuna forma artistikoekin

Olaia L. Garaialde

Alvaro Matxinbarrenaren 'Wild is the wind' erakusketa irailaren 31ra arte ikusgai dago Iruñean
Jokin Campion Gaston, Saioa Alkaiza Guallar eta Ander Perez Argote, gaur, Iruñean. ©Iñigo Uriz / Foku

Nafarroako Bertsozale Elkarteak eta Iruñeko Udalak otsailera atzeratu dute Bertsoaroa

Ane Eslava

Nafarroako Bertsolari Txapelketa jokatzen ari delako atzeratu dute zikloa. Iruñeko Bertsopaper Lehiaketako irabazleen berri eman dute, eta Saioa Alkaizaren bertso sorta batean oinarritutako 'Biziraute saiakera' ikuskizuna aurkeztu dute.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.