Gizartea

Osakidetzako Anestesiologiako azterketak ez dituzte errepikatuko, behin-behinean

Gasteizko epaitegi batek ebatzi du azterketarik ez egitea, behin betiko epaia eman bitartean. Irregulartasunak salatu zituen medikuetako batek adierazi du Osakidetzak eta Osasun Sailak "mendekua" abiarazi duela haren aurka.

Osakidetzako lan eskaintza publikoa. MARISOL RAMIREZ / FOKU
Jon Rejado.
2018ko abenduaren 19a
15:42
Entzun

Osakidetzako Anestesiologiako azterketak ez dituzte errepikatuko, oraingoz. Hala erabaki du Gasteizko Administrazioarekiko Auzien 3. epaitegiak. Azterketak errepikatu behar zituzten aurreko deialdian antzemandako irregulartasun salaketak zirela eta. Ordea, kasua behin betiko argitu bitartean halakorik ez egitea erabaki du aipatu epaitegiak. Albistearen berri eman du ESK-k Eusko Legebiltzarrean, gaur goizean.

Agerraldian Roberto Sanchez egon da, irregulartasunak salatu zituen medikuetako batek. Sanchezek salatu du Osakidetzak zein Osasun Sailak “mendekua” abiarazi duela haren eta beste bi salatzaileen aurka. Horretarako “estalpeko kaleratzeak” baliatzen ari direla zehaztu du. Halaber, hausnartu du EAJk "oso zainduta" dituela salaketa egin zuten hiru sendagileak.

Bestetik, Osakidetzak jakinarazi du “errespetu osoz” hartzen duela gaur ezagutarazi den erabakia. Halaber, Osakidetzako Zuzendaritza Nagusiak nabarmendu du ebazpen horrek ez duela auziaren mamia epaitzen. “Behin-behineko neurria da, behin-betiko epaia eman artekoa”.

Iruzkinak
Ez dago iruzkinik

Ordenatu
0/500
Interesgarria izango zaizu
Nabarmenduak
Orain, aldi berria dator. Zure aldia. 2025erako 3.000 babesle berri behar ditugu iragana eta geroa orainaldian kontatzeko.