Salatu dute euskal industria militarrak 500 milioi eurotik gorako irabaziak dituela urtero

Armagintza industriari buruzko jardunaldiak antolatu dituzte hainbat erakunde antimilitaristek. Hilaren 22tik otsailaren 2ra egingo dituzte Gasteizen.

Jardunaldien aurkezpena. /
Jardunaldien aurkezpena. / Berria

Arantxa Elizegi Egilegor -

2019ko urtarrilak 16

Euskal Herrian ere badira armak ekoizten dituzten enpresak, besteak beste, Aernnova Araban, ITP eta Sener Bizkaian, Sapa Gipuzkoan edota Dassault eta Turbomeca iparraldean. Horiek ekoizten dituzten gaien %80 baino gehiago esportatu egiten dira, Europara gehienak, baina baita Saudi Arabiara eta Turkiara ere. Hala salatu dute gobernuz kanpoko hainbat erakunde antimilitaristek.

Testuinguru horretan, kolektiboek ohartarazi dute zenbait banku eta erakundek armagintza industriala finantzatzen dutela eta Jaurlaritzak berak babestu egiten dituela gastu militarraren gorakada ahalbidetzen duten aurrekontuak. "Nola liteke fabrika mota hauetako jabeek instituzio publiko eta pribatuen sariak jasotzea? Ba al dakigu zertan inbertitzen dituzten bankuek gure aurrezkiak?".

Gasteizen egindako agerraldian erakundeek gogorarazi dute gatazka armatuek 150.000 hildako eragiten dituztela urtero eta 70 milioi pertsonek beren etxeak utzi behar izan dituztela indarkeria horretatik ihes egiteko. "Iheslari horietako batzuk gure lurretara heltzen dira eta han jazarpena eta pobreziari egin behar izaten diote aurre".

Egoeraz jabetu eta horri aurre egiteko dauden aukerez hausnartzeko jardunaldiak antolatu dituzte urtarrilaren 22tik otsailaren 2ra bitartean, Gasteizen. Besteak beste, Joseba Sanzen Gerra hemen hasten da dokumentala ikusi ahal izango da horietan.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna