Gomazko pilotak

Zudaire zauritzea egotzita epaitutako polizia absolbitzeko eskatu du fiskaltzak

Begi bat galdu zuen Aingeru Zudairek Espainiako Poliziaren pilotakada baten ondorioz, 2012ko irailean, eta gaur hasi da epaiketa. Elkarretaratzea egin dute Iruñeko epaitegien aurrean, babesa agertzeko.

Zudaireri elkartasuna agertzeko bilkura, gaur, Iruñean.
Zudaireri elkartasuna agertzeko bilkura, gaur, Iruñean. Iñigo Uriz/Foku

Berria -

2019ko urtarrilak 31

Atarrabiako (Nafarroa) elkarte, erakunde eta eragile ugarik egin dute bat Aingeru Zudaireren salaketarekin. Hura babestu, justizia eskatu eta bestelako polizia eredu baten beharra aldarrikatzeko, elkarretaratzea egin dute gaur Iruñean, epaitegien aurrean. Zudaire 2012ko irailaren 26an zauritu zuten, Iruñeko Sarasate pasealekuan —greba orokorrerako deialdia zegoen egun hartan—. Espainiako Poliziak pilotakada bat bota, eta aurpegian zauritu zuten; begi bat galdu zuen Zudairek.

Gaur hasi dira gertakariak epaitzen. Polizia bat dago auzipetuta, eta fiskaltzak haren absoluzioa eskatu du, argudiatuta polizien oldarrialdia neurrikoa izan zela, eta ez zela deliturik izan. Gainera, pilotakada auzipetuak bota ote zuen frogatzerik ez dagoela azaldu du.

Fermin Otamendi instrukzio epaileak hiru aldiz artxibatu zuen auzia, baina 2017ko urtarrilean, Nafarroako Auzitegiak atzera bota zuen auzia ixteko erabakia, Zudaireren defentsaren helegite bat aintzat hartu ondoren. Gaur hasi dute epaiketa, Zudaire zauritu zutenetik sei urtera.

Nafarroako Foruzaingoak 2016an ordezkatu zituen gomazko pilotak, foam jaurtigailuekin.

Auzia ez ixtea erabaki zutenean, hala adierazi zuen Zudairek BERRIAn: "Ez nuen honaino iristea espero, eta hemendik aurrera egiten dugun guztia pizgarri bat izango da niretzat". Bideoa: Zudaire, 2016ko martxoan, BERRIAri emandako elkarrizketan (Lara Madinabeitia, BerriaTB).

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Bainako Oihana ikastolako eta Estitxu Robles kolegioko ikasleak ©Gillaume Fauveau

Ziburuko eskolan agerraldi bat atzeman dute

Oihana Teyseyre Koskarat

Eskualdeko Osasun Agentziak agerralditzat jo du Aristide Briand eskolako kasuen agertzea. Zazpi haur kutsatu dira, gutxienez.

 ©Raul Bogajo / Foku

Ziurtasunik ez ikasle pisuetan

Maria Ortega Zubiate

Ikasle pisuen egoerari buruzko kanpaina bat jarri du abian Euskadiko Gazteriaren Kontseiluak. Ziurgabetasunaren aurrean, klausulak eta halakoak jartzen hasi dira.

Mekanikari bat lanean, iragan apirileko irudi batean. ©Jon Urbe / FOKU

Ekonomia %19,5 jaitsi da bigarren hiruhilekoan, aurreikusi baino pixka bat gutxiago

Imanol Magro Eizmendi

Langabezia datuetan ere arindu egin dira uztailean eginiko aurreikuspenak: %17,2 izan zen tasa

Baionako campuseko ikasleak, maskara jantzita. ©GUILLAUME FAUVEAU

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna