Euskal Herriko sortzaileek lau Goya sari eskuratu zituzten, atzo, Espainiako Zine Akademiaren sarien 33. ekitaldian. Raul de la Fuente eta Amaia Remirezen eta Arantxa Etxebarriaren sariez gain, Goya bana jaso zuten Josu Intxaustegik eta Clara Bilbaok; Argazkilaritza Onenari eta Jantzirik Onenari sariak lortu zituzten, hurrenez hurren.
Sevillan (Espainia) ospatu zen sari banaketan, Rodrigo Sorogoy zuzendariaren El Reino thriller politikoak jaso zituen Goya gehien. Zazpi Goya bildu zituen. Ez zuen lortu, baina, Pelikula Onenarena. Javier Fesserren Campeones filmak eskuratu zuen hori. Guztira, hiru sari bildu zituen Campeonesek.