Guardia Zibilak hiru gizonezko atxilotu dituz Bizkaian Llaneseko zinegotziaren heriotzarekin zerikusia dutelakoan. Auzi berarekin lotuta, beste bizkaitar bat ere atxilotu dute Suitzan, eta haren estradizioa eskatu du Poliziak. Atxilotuen etxebizitzak miatzen ari da Guardia Zibila.
Javier Ardines IUko zinegotzi zena etxetik irten eta gutxira hil zen, iazko abuztuaren 16an. Buruan jasotako kolpeen ondorioz zendu zen. Etxebizitzatik 300 metrotara aurkitu zuten haren gorpua. 52 urte zituen.
EFE berri agentziaren arabera, Guardia Zibilak baztertu egin du motibazio politikoko hilketa izatea. Poliziaren hipotesi nagusia da harreman sentimentalei lotutako arrazoiak izatea tarteko.