Albistea entzun

Herritarren manifestaziorako eskubidea defendatu du Rullek

 

Arantxa Elizegi Egilegor -

2019ko otsailak 20 07:26

Kataluniako erreferendum egunean eta haren aurretik egon ziren manifestazioen inguruan galdetu dio fiskalak Josep Rull kontseilari ohiari, eta baita Espainiako Poliziaren aurkako erasoen berri ote zuen ere. Rullek, ordea, indarkeria mota guztiak gaitzesten dituela berretsi du eta defendatu du herritarren eskubidea dela protesta egitearena. "Zuek [Fiskaltzakoek] iskanbiltzat jo duzue irailaren 20koa. Niretzat manifestatzeko eskubidea zen".

Lurralde Antolaketarako kontseilari ohiak nabarmendu du, gainera, baketsuak izan zirela manifestazio horietako gehienak, eta berari ere behin beino gehiagotan egokitu izan zaiola independentziaren aurkako anifestarien artean igarotzea, eta tarteka baita mossoen babesa behar izatea ere. Baina zehaztu du erreferendumaren ingurumarian inork indarkeriarik erabili bazuen, hori Espainiako Polizia izan zela.

Segurtasun indarrak Kataluniara eraman zituen Piolin ontziari Palamosen porturatzen ez uzteari buruz ere galdetu dio fiskalak Rulli, eta hark erantzun dio ontziko arduradunek ez zutela porturatzeko eskari formalik aurkeztu, ezta argitu ere itsasontzian segurtasun indarrak zeudela: "Konponketa batzuk egiteko hogei eguneko baimena eskatu zuten, eta portutik ezezkoa eman zitzaien ez zegoelako horretarako tokirik". 

Boto paper eta hautetsontziei buruz galdetuta, berriz, non eta nork kudeatu zituen ez zekiela erantzun du kontseilari ohiak, baina zehatzu du "herrialdearengan itxaropena" zuela eta horregatik zuirtatu zuela bozkatzeko aukera izango zela. "Ez dakit non inprimatu zituzten boto txartelak. U-1ean bazeuden, hori badakit nik bat erabili nuelako, baina ez dakit non inprimatu zituzten".

Katalanez aritzeko eskubidea

Fiskalak 16 urteko kartzela zigorra eskatzen du Lurralde Antolaketarako kontseilari izandakoaren aurka; 11 eta erdi estatuko abokatuak eta 74 akusazio partikularrak. Egoera horretan, bere hizkuntza deklaratu ezin izatea urraketa larritzat jo du Josep Rull buruzagi subiranistak.

"Nik katalanez hitz egin eta aldiro isildu beharko banu itzultzaile batek nik esandakoak gazteleara itzuli arte, nire deklarazioa ez litzateke berdin ulertuko. Ondorioz, nire ama hizkuntzari uko egin behar diot, eta horri, egoera honetan, urraketa larria deritzot", kritikatu du.

Rullek gogorarazi du munduan gehien hitz egiten diren hizkuntzetako bat dela katalana, eta hala ere, Espainian askok "mehatxutzat" jotzen dutela hizkuntza hura. Epaileak ukatu du auzitegiak katalan hizkuntza mehatxutzat ikusten duenik, eta erantzun dio lehendik ere azaldu dutela zergatik ezin den katalanez deklaratu.

Rullek uko egin dio Voxen abokatuari erantzuteari, "arrazakeriaren eta bazterkeriaren biktima" izan direnekiko errespetuz.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Leherketa gertatu den lekua, Batan (Ekuatore Ginea). ©Berria

Hainbat leherketak gutxienez 17 hildako eta 420 zauritu eragin dituzte Ekuatore Ginean

Berria

Batan gertatu da ezbeharra, biztanle gehien dituen Ekuatore Gineako hirian. Herrialdeko hedabideen arabera, kuartel militar batean «bolbora ontzi bilakatutako edukiontzi bat gehiegi berotu da, inguruan belarrak erretzen ari zirela eta».

Carles Puigdemont Kataluniako presidentea suplikatorioaren auziari buruko azalpenak ematen, iragan otsailaren 24an, Europako Parlamentuan. ©OLIVIER HOSLET / EFE

Puigdemont: «Belgikan geratuko naiz»

Julen Aperribai

Europako Parlamentuak etziko osoko bilkuran immunitatea kentzearen alde bozkatuko balu ere, azken erabakia Belgikako Justiziak hartu beharko lukeela azaldu du, Die Presse egunkariari emandako elkarrizketa batean. Suplikatorioaren auzia Europako Justizia Auzitegiraino eramateko prest daudela dio.

George Floyden anaia Terrence Floyd, New Yorken bere anaia omentzeko asmoz egindako ekitaldi batean. ©JUSTIN LANE / EFE

Floydi lepoa estutu zion poliziaren aurkako epaiketa hasiko dute bihar

Julen Aperribai

Bigarren graduko erailketa eta giza hilketa egozten dizkio fiskaltzak. Oihartzun mediatiko handia eragin du epaiketak, eta segurtasun neurriak gogortu dituzte Minnesotan, protesten beldurrez

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna