Albistea entzun

Cuixart: "Deitu tsunami, baina ez diogu uko egingo gizarte demokratikoagoak bilatzeari"

 

Hodei Iruretagoiena -

2019ko otsailak 26

Omnium Cultural elkarteko presidenteak mobilizatzeko eskubidea eta desobedientzia zibila defendatu ditu, "gizarteek euren garapen sozialerako daukaten tresna" direla iritzita. Tentsio handiko deklarazioa izan da Jordi Cuixart Omnium Cultural elkarteko presidentearena. Jaime Moreno fiskalaren galderei erantzuten pasatu du denbora gehien, eta galde-erantzunetan baino gehiago, eztabaidan aritu dira une batzuetan, Cuixartek salatu duenez galderak baino gehiago balorazioak egin dituelako fiskalak askotan.

2017ko irailaren 20ko gertaerez ari zirela, esaterako, mosso batek batzorde judizialeko funtzionarioei eramandako ogitartekoen inguruan galdetu dio fiskalak, handik ezin zirela atera iradoki nahian. "Ea, ea, ea...", hasi da erantzuten Cuixart, eta fiskalak eten ondoren, hala jarraitu du: "Justizia arloko funtzionario batzuek ogitarteko batzuk eskatu zituztela irten ezin zirelako, hori galdetzen ari bazara, nire erantzuna jakina da. Nola jakingo dut nik bost funtzionariok ogitartekoak eskatu izanaren arrazoia? [...] Edonola ere, seguru nago ez zela izan jaitsi ezin zirelako, korridorea erabil baitzezaketen. Beraz, oso ondo iruditzen zait ogitartekoak eskatu izana".

Ika-mika horien gainetik, dena den, Cuixartek defendatu egin du 2017ko irailaren 20an eta urriaren 1ean egin zuten guztia. "Preso politikoa naiz, eta, 500 egun preso egon ondoren, nire lehentasuna ez da espetxetik ateratzea, Katalunian eta Espainian eskubideen eta askatasunaren aurka egiten ari den erasoak salatzea baizik", esan du. Etengabe aritu da "demokraziaren" eta adierazteko eta antolatzeko oinarrizko eskubideen alde: "Deitu tsunami, baina ez diogu uko egingo gizarte demokratikoagoak bilatzeari".

"Autogobernuari erasoa"

Horretarako bideez aritu da batez ere Cuixart, eta ukatu egin du inoiz indarkeria erabiltzea pentsatu dutela. "Nahiz eta diktadorea ohean hil zen, kalera atera ziren espaniar herritarrengatik lortu zen demokrazia. Katalunian ere herritarrek defendatu zuten demokrazia. Zuzenbide estatua zen diktadura ere, baina ez demokratikoa eta soziala. Zuzenbide estatua ezin da demokraziaren gainetik jarri", esan du auzipetuak. Irailaren 20ko gertaerak —atxiloketak, alkateak auzipetzea, egoitzak miatzea...— "salbuespenezko gertaerak" izan zirela azaldu du, eta horren aurkako agertzea zela mobilizazioen helburua: "Gizarte katalanarentzat, autogobernuaren kontzeptua, autonomia katalana berreskuratzea, Espainiako Konstituzioaren aurretikoa da. Irailaren 20an herriak bere instituzioei eraso zietela sentitu zuten, eta erantzun egin zuten".

Desobedientzia zibila eta erresistentzia ez-biolentoa ere defendatu ditu, "gizarteek euren garapen sozialerako daukaten tresna" dela nabarmenduz: "Nazioarteko komunitatearen eta estatuko botereen arreta erakarzeko modua da". Fiskala etengabe aritu da "indarkeria" zantzuak bilatu eta auzipetuekin lotu nahian, Cuixartek egindako txioak eta kaltetutako Guardia Zibilaren autoak lotuz, esaterako.

Eskolak defendatzera ere deitu zuela leporatu dio Omnium elkarteko presidenteari. Hannah Arendt, Mahatma Gandhi eta bestelako erreferenteak aipatuz, Cuixartek azaldu du erresistentzia ez-biolentoa ez dela erresistentzia pasiboa, jarrera "proaktiboa" erakustea baizik, baina muga argi batekin: biolentziarik ez erabiltzea. Horregatik, harro agertu da mugimendu subiranistak printzipio horiei eutsi dielako: "Ahal bezainbat erreferendum egingo ditugu, erreferendum bat biolentziarik gabe egitea posible izan arte".

 

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Ezkerreko alderdiek iazko apirilean egin zuten bilera bat hautagaitzak bateratzeari buruz. Marketin kontua izan zen gehiago, egiazko dinamika bat baino. ©C. P. T. / EFE

Primario popularra, nahien eta ezintasunen artean

Ander Perez Zala

Gaurtik igandera, 467.000 bat herritarrek Frantziako zazpi presidentegairen artean 'egokiena' aukeratuko dute ezkerrean hautagaitza bateratu bat sustatzeko.
Errusiako armadaren tanke bat atzo, maniobrak egiten, Rostov inguruan ©EFE

AEBen erantzunak ez du Errusia asebete

Igor Susaeta

Moskuren arabera, Washingtonek eta NATOk segurtasun eskaerei egindako proposamenak ez du «baikortasunerako motibo askorik» ematen. Halere, «elkarrizketarako perspektibak» badaude.

Mendebaldeko Sahararen askatasunaren aldeko manifestazio bat Madrilen, iazko azaroan. / ©Giannis Triantafyllidis, EFE

Marokok gizon bat hil eta adingabe bat zauritu ditu bonbardaketa batean

Arantxa Elizegi Egilegor

 Rabatek bigarren egunez bonbardatu ditu gune zibilak. Droneak baliatu ditu Mendebaldeko Saharan egindako erasorako.

 ©Mike Caceres / Efe

Gutxienez zortzi lagun hil dira FARCeko talde disidenteen eta ELN gerrillaren arteko borroketan

Mikel O. Iribar

Bien arteko liskarrak gogortu egin dira Venezuelaren eta Kolonbiaren arteko mugetan. Urtea hasi zenetik 40 hildako, eta ehunka desplazatu eta desagertu utzi ditu gatazkak, gizarte zibilaren arabera.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.