Martxoak 8

Mobilizatzera deitu du Ipar Euskal Herriko Grebalari Feministen Asanbladak

Martxoaren 8a topaketa eta trukaketa momentu izatea nahi dute, eta greba egitera deitu dituzte emazteak. Mobilizazio egunari ikusgarritasuna eman nahi diote.

Grebalari feministen asanbladaren prentsaurrekoa, Baionan, martxoaren 8ko greba deialdia plazaratzeko. /
Grebalari feministen asanbladaren prentsaurrekoa, Baionan, martxoaren 8ko greba deialdia plazaratzeko. / Bob Edme

Ekhi Erremundegi Beloki -

2019ko otsailak 27

Adin eta ingurune askotako emazteek agerraldia egin dute gaur arratsaldean Baionan, Martxoaren 8an emazteak greba egitera deitzeko. Orain dela aste batzuk elkartu ziren Grebalari Feministen Asanbladan, eta orduztik, herriz herri bilkurak egiten aritu dira desmartxa aurkezteko. Bi ekitaldi nagusi izanen dira martxoaren 8an, biak Lapurdiko hiriburuan: eguerdian, bazkari partekatua eginen dute merkatuko plazan, eta 18:30ean manifestazioa, Errepublika plazatik abiatuta; ondoren, poteoa eginen dute Baionako karriketan.

"Hainbat eskubide lortu ditugu borroka feministari esker, baina ez gara benetako berdintasunera helduak", adierazi du Gemma Elorriaga Asanbladako kideak. "Gizon eta emazteen artean dagoen lansari ezberdintasuna, etxeko lanen aitorpenik eza, generoaren arabera egindako lanen banaketa, bortizkeria sexistak, generoaren araberako estereotipoak, haiekin bat egiten ez dutenen diskriminazioak" aipatu ditu adibide gisa, oraindik lortzeko dutena erakusteko.

Mobilizazio jendetsua antolatu zuten iaz, eta aurtengoa ere hala izatea nahiko lukete, baina jakinik Martxoaren 8a Ipar Euskal Herrian ez dela biziki zabaldua, ikusgarritasuna lortzea da haien helburuetariko bat. "Horregatik antolatu dugu arratseko poteoa, nahiz eta kontsumorako greba deituta kontraerran bat izan daitekeen; Baionako karriketan presentzia bat erakusteko manera ere bada", azaldu du Armelle Etxenike Asanbladako kideak.

Borroka aniztasuna

Emazte bakoitzaren egoera desberdina dela jakitun, mobilizazioan parte hartzeko irudimena erabiltzera deitu ditu Grebalari Feministen Asanbladak. "Zaintza lana egun osoan uztea abantzu ezinezkoa denez emazte batzuentzat, mobilizazioetan parte hartzeaz gain, emazteak  etxeko leiho edo balkoietan trapu edo amantalak zintzilikatzera deitzen ditugu, edo egunean zehar beso inguruan zapi ubel bat janztera ere". Gizonei ere dei berezia egin diete egun horretan kontsumitzera ez joateko eta haien artean antolatzeko zaintza lanen ardura har dezaten.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna
S: