Noiz sortua: 2019-03-04 14:36:37

Euskara

Puntueus fundazioak Elgoibarko Altzolatarren Dorrean izango du egoitza

Fundazioak bosgarren urteurrena beteko du aurten, eta domeniuaren 10.000. helbidea lortzear dago.

Puntueus fundazioko eta Elgoibarko Udaleko ordezkariak, gaur, hitzarmena aurkezteko prentsaurrekoan. /
Puntueus fundazioko eta Elgoibarko Udaleko ordezkariak, gaur, hitzarmena aurkezteko prentsaurrekoan. / Puntueus fundazioa/@puntueus

Berria -

2019ko martxoak 4

Ane Beitia Elgoibarko alkateak eta Iñaki Goirizelaia Puntueus fundazioko lehendakariak bi erakundeen arteko hamar urterako lankidetza hitzarmena sinatu dute, astelehen honetan, Elgoibarren (Gipuzkoa). Akordioari esker, Puntueus fundazioaren egoitza nagusia Elgoibarko Altzolatarren Dorretxean kokatuko da, eraikinaren lehenengo solairuan. Maialen Gurrutxaga Elgoibarko Udaleko Euskara eta Haur eta Gazteriaren Sustapeneko zinegotziak eta Josu Waliño Puntueus fundazioko zuzendariak ere parte hartu dute akordioa izenpetzeko ekitaldian.

Elgoibarko Udala da Altzolatarren Dorretxearen jabea. XVII. mendean eraikitako dorretxe bat da. Eraikina XX. mendearen bukaera aldera eraberritu eta monumentu izendatu zuten, bere balio historiko eta artistikoagatik. Kokapen berriarekin, Elgoibarko eragile eta herritar euskaltzaleekin elkarlana izaten saiatuko da fundazioa, ingurune digitalean eragiteko eta euskararen erabilera sustatzeko.

Puntueus fundazioa 2012an sortu zen, Donostian, ICANN erakundearen aurrean .eus domeinuaren eskaria aurkezteko. 2014an sortu zen domeinua, eta, ordutik, fundazioa da .eus kontrolatu eta administratzeko ardura duen erakundea. Aurten, bost urte beteko dira lehenengo .eus webguneak sareratu zirenetik. Hurbil dute domeinuaren 10.000. helbidea lortzea.

Ingurune digitalean euskara lehen mailako hizkuntza izan dadin egiten du lan Puntueus fundazioak. Euskara ingurune digitalean baliagarri, erabilgarri eta ikusgarri egitea da helburu nagusi.

 

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Ekainaren 4an eguneratua. ©BERRIA

Koronabirusaren azken datuak

Berria

Azkeneko 24 orduetan zortzi lagun hil dira COVID-19 gaitzaren eraginez. Bederatzi positibo atzeman dituzte PCR probekin, eta hiru gaixo ospitaleratu dituzte. Euskal Herrian 29.607 gaixok eman dute positibo guztira, koronabirusa atzemateko probaren bat eginda. Horietatik 2.086 hil dira. Grafikoak, albiste barruan.

Maria Txibite, Manu Aierdi eta Elma Saiz kontseilariekin parlamentutik ateratzen. ©Idoia Zabaleta, Foku

Mugaz bi aldeetako bidaiak errazteko eskatu du Nafarroako Parlamentuak

Berria

Navarra Sumaren abstentzioarekin eta bertze alderdi guztien baiezko botoarekin onartu dituzte neurriak. Bertzeak bertze, 50.000 eurorainoko diru laguntzak onartu dituzte kultura ogibide dutenentzat, eta alokairua ordaintzeko diru laguntzak hamabi hilabetez luzatuko dizkiete autonomoei eta aldi baterako enplegu erregulazioan daudenei. 

Martin Ugalde Foroa: Euskara ere normalitaterantz?

Euskararen lekuaz normaltasun berrian, Martin Ugalde Foroan

Berria

Josu Amezagak, Idurre Eskisabelek eta Amelia Barquinek hartu dute parte Kontseiluak sustatutako mahai inguruan, Andoainen. BERRIAn osorik ikusteko aukera dago.

Elkarrizketa: Ana Galarraga eta Miren Basaras

«Zabaltzen jarraitu behar dugu ez dakigula benetan zer gertatuko den»

Jakes Goikoetxea

Asko dakite SARS-CoV-2 birusari eta COVID-19aren izurriteari buruz, baina, asko jakinda ere, zuhurtziaz jokatzen dute, ez baitakite zer gertatuko den epe laburrean eta luzera begira.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna