Albistea entzun

Osasuna

Paziente baten GIB birusa erremisioan sartzea lortu dute, zelula amen bidez

Zientzialariek egoera horretara eramatea lortu duten bigarren pazientea da; aurreko kasua 2009. urtekoa da

GIB birusaren argazkia hiru dimentsiotan.
GIB birusaren argazkia hiru dimentsiotan. BERRIA

Arantxa Iraola -

2019ko martxoak 5

"Berlineko pazientea deitua ez zen anekdota bat izan; lor daiteke birusaren erabateko erremisioa". Baikor solastatu da gaur IciTem ikerketa taldeko ordezkari Javier Martínez-Picado GIB birusaren inguruan erdietsi duten azken lorpena hizpide hartuta. Izan ere, 2009an Berlinen paziente batekin lortu zutena egikaritu dute orain Londresen ikertzaileok beste batekin: GIB birusa erremisioan sartzea lortu dute zelula amen transplante baten bitartez. Transplantea egin eta hamasei hilabetera birusaren aurkako botikak hartzeari utzi zion, eta orain, hemezortzi hilabeteren ostean, birusik ez da ageri.

Gaur eman dute paziente honekin egindako lanaren berri ikertzaileek Nature aldizkarian. Kataluniako IrsiCaixa institutuak koordinatu du prozesua, Londreseko University College eta Utrecheteko Medical Center University ikerketa zentroekin. IciStem egitasmoan ari dira, zelula amekin lor daitezkeen aurkikuntzak aztertzen. Kasu honetan pazientea 2003. urtetik zen GIBduna; 2012. urtean linfoma bat atzeman zioten, eta hori tratatzeko egin zioten zelula amen transplantea, 2016. urtean. Zelula horiek mutazio jakin bat zuten, GIB birusaren sarbide eragozten duena, eta itxura guztien arabera, horrek lortu du birusaren erremisioa.

Oraindik, ordea, arloan ikertzen jarraitu behar dela onartu dute adituek, eta transplante horiek soilik egin daitezkeela bestelako osasun arazoren bat tartean dagoenean, ez propio GIBaren aurka egiteko. Berlinen artatu zuten pazienteren kasuan, esaterako, leuzemia bat zuelako egin zioten transplantea, eta Londresekoaren kasuan, linfoma baten ondorioz. Martinez-Picadok atzo gogoratu zuen transplante horiek "arrisku handikoak" direla, eta kasu oso zehatzetan besterik ezin direla egin; GIBaren aurkako botikak kentzeko prozesua ere arta handiz egin behar da, eta medikuen kontrolpean. Izan ere, ongi atera da bi pazienteon kasuetan, baina beste hainbatetan ez da lortu, transplantea eginda ere, GIBdunek birusaren aurkako botikarik gabe jarraitzea.

Horregatik, tentuz ibili nahi dute oraindik ikertzaileek: "Ez dugu sendaketaz mintzatu nahi: zuhurrak izan nahi dugu". Kasu arrakastatsuon bidez, ordea, ikerketan aurrera jarraitzeko gako interesgarriak lortzen ari direla onartu dute.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Ikasmahaia bizkarrean hartuta

Ikasmahaia bizkarrean hartuta

Iker Tubia - Nafarroako Hitza

Iruñeko Udal Ikastolaren memoria osatu dute ikastetxeen eta norbanakoen ekarpenei esker. Jasotako dokumentu, argazki eta heziketa material guzia Nafarroako Artxibo Garaikidean ari dira gordetzen.

Astra Zenecaren txerto dosiak. ©LESZEK SZYMANSKI / EFE
Lazkaoko (Gipuzkoa) baheketako irudi bat, martxoaren amaierakoa. ©Jon Urbe / Foku

Gero eta paziente gehiago daude ZIUetan

Berria

Otsailaren 23tik COVID-19aren ondorioz ZIUetan dagoen paziente kopururik handiena erregistratu dute: 158 lagun. Beste 967 positibo atzeman dituzte Hegoaldean.

Subillan egin nahi zuten gasa ustiatzeko proiektua. Artxiboko irudi batean, lursail horietako bat. ©JAIZKI FONTANEDA / FOKU

Eusko Jaurlaritzak uko egin dio Armentia II-n gasa ustiatzeari

Jon Ordoñez Garmendia - Jone Bastida Alzuru - Lander Muñagorri Garmendia

Ohar batean azaldu duenez, Klima Aldaketaren eta Trantsizio Energetikoaren lege proiektua onartu ondoren, «ez du zentzurik». EH Bilduk eta Elkarrekin Podemosek esan dute albiste pozgarria dela

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna