CGPJ Espainiako Botere Judizialaren Kontseilu Nagusiaren arabera, Hego Euskal Herrian inoiz baino salaketa gehiago jaso zituzten iaz epaitegietan: 7.527. Alegia, egunean 20 salaketa baino gehiago. Azken bost urteetan urtez urte hazi da gisa horretako salaketen kopurua.
Urtebeteko eboluzioari dagokionez, 2017tik 2018ra %7 handitu dira salaketak —499 gehiago izan dira—. Urte tarte luzeagoa hartuz gero, %44 handitu dira 2008tik.
Denera, 1.273 pertsona epaitu zituzten iaz, eta 1.155 zigortu. Epaitutako kasuen %91k zigor epaiarekin amaitu zuten.
Era berean, epaitegiek atzera bota zituzten biktimek eskatutako babes neurrien %34; 2017an, %38.
