Giro ederrean egin dute aurten ere Lilatoia. Iazko abendu hasieran zabaldu zituzten izena emateko zerrendak, baita berehala bete ere. Orotara, 6.265 korrikalarik hartu dute parte lasterketan, eta asko izan dira atera ezinean geratu direnak ere. Hainbeste, ezen antolatzaileak pentsatzen hasiak diren hurrengo urterako azpiegiturak handitzea. Izan ere, izen emateen kopurua asko hazi da urte batetik bestera; iaz, 5.000 inguru lasterkarik hartu zuten parte.
Bigarren urtez jarraian Lorea Ayala donostiarrak irabazi du Lilatoia, bost kilometroko ibilbidea 17 minutuan osatuz. 30. ekitaldia zuen aurtengo lasterketak, eta, hori dela eta, leloa ere berezia jarri diote: 30 urte berdintasunaren sustraiak sendotuz.
Urtero bezala, giro bikaina izan dute lasterkariek ibilbide osoan. Jendetza parte hartzen eta jendetza animatzen, eta, bidean, musika eta aldarrikapenak nagusi.
Giro galanta ibilbide osoan. Herritarrak gertu izan dituzte beste urtebetez #lilatoia@irutxulo@Lilaton1pic.twitter.com/1MTJmUzbLU
— Iñaki Agirre (@ikiagirre) 2019(e)ko martxoaren 10(a)
