Bilboko Udalak gaur jakinarazi duenez, gizon bat atxilotu zuten atzo eguerdian udaltzainek, Zazpikaleetan. Emakume batek poliziengana jo zuen, gizon bat jotzen ari zitzaiolako, eta udaltzainek atxilotu egin zuten erasotzailea. Udalak gaitzetsi egin du erasoa, eta "konplize ez izateko" deia egin die herritarrei.
Ertzaintzak ere eman du gaur antzeko eraso baten berri. Arrasaten gertatu zen hori, igandean. Gizon bat emakumezko bikotekideari joka hasi zen kalean, eta atxilotu egin zuten ertzainek. Andrea ospitalera eraman behar izan zuten, zauriak artatzeko. Udalak gogorarazi du "instituzioek nahiz euskal gizarte osoak" dutela indarkeria matxistaren aurka "borrokatzeko ardura".
âš ï¸ÂGAUR MARTXOAK 12 ASTEARTEA:
— Arrasateko M8 (@M8Arrasate) 2019(e)ko martxoaren 12(a)
â±18:30 M8 plataformaren balorazio asanblada (KULTURATE)
â±20:00 Arrasaten gertatutako eraso matxista salatzeko elkarretaratzea (PLAZAN) pic.twitter.com/UTQqjapuEP
Arrasateko Martxoaren 8ko plataformak elkarretaratzera deitu du gaurko, igandeko erasoa salatzeko. 20:00etan izango da bilkura, herriko plazan.
Atzo, EAJk ekitaldi bat bertan behera utzi zuen Errenterian (Gipuzkoa), andre batek eraso matxista bat pairatu zuela ikusita.