23 urteko gizonezkoa hil da Bermeoko (Bizkaia) etxebizitza batean izandako sutean, larrialdi zerbitzuek jakinarazi dutenez. 05:10 aldera jaso dute abisua, eta eta atera egin behar izan dituzte 30 bat bizilagun. Etxebizitza bateko sukaldean piztu da sua, eta kea arnastuta hil da gizona. Emakume bat ere artatu behar izan dute larrialdi zerbitzuek; kea arnasteagatik hura ere.
Zoritxarrez pertsona bat hil da. / Desgraciadamente una persona ha resultado fallecida. #suteahttps://t.co/3q8oacDH1z
— SOS Deiak - 112 (@112_SOSDeiak) 2019(e)ko martxoaren 17(a)
Bermeoko Askatasun bidea etorbidean izan da ezbeharra. Bermeoko alkateak Euskadi Irratian azaldu duenez, "sua ez da izan horrenbesterako, baina kea izan da arazo nagusia". Besteak beste, lekuan bertan izan da Ertzaintza, eta goizean itzuli ahal izan dute etxera gauez atera dituzten bizilagunek.